Ramil Qasımov: “Azərbaycan səhnəsinin ən gənc “Koroğlu”su olmaqdan qürur duyuram” – MÜSAHİBƏ - FOTOSESSİYA
- Ramil, 26 yaşında opera səhnəsində Koroğlu obrazını yaratmaq heç bir ifaçıya nəsib olmayıb. Siz Koroğlu obrazında çıxış edən ən gənc ifaçı olacaqsız...
- Bəli, 26 yaşında Koroğlu ifa edən ilk ifaçı mən olacağam. Musiqili Komediya Teatrının səhnəsində tamaşaya qoyulan “Məşədi İbad” operettasında Sərvər rolunun da ən gənc ifaçısı olmuşam. O vaxt on beş yaşım var idi və yadımdadır ki, müəllimim Mobil Əhmədov məni tamaşanın dirijoru Nazim Əliverdibəyovun yanına gətirəndə, o, çox təəccüblənmişdi. O dedi ki, axı bu uşaqdır. Əlbəttə, rol üçün çox gənc olsam da, səs imkanlarım bu obrazın öhdəsindən gələ bildi.
“Koroğlu” operasına gəlincə isə mənə bu təklif Akademik Opera və Balet Teatrının rəhbərliyindən gəldi və bu rol mənim üçün son dərəcə əhəmiyyətlidir. Çünki bu əsər Azərbaycan musiqisinin şah əsərlərindən biri, deyərdim birincisidir. Dahi Üzeyir bəyin böyüklüyü ondadır ki, 1937-ci ildə bu operanı yazanda milliyyətçiliyini, Azərbaycançılığını göstərmək üçün operada məhz milli folklor sənətini, aşıq yaradıcılığını tətbiq edib. Bir də, bu əsərdə Koroğlunun qəhrəmanlığı, onun qələbəsi eyni zamanda xalqın əzmidir, qüdrətidir. Odur ki, bütün o qəhrəmanlığı ifa vasitəsilə çatdırmaq üçün sözsüz ki, məktəb olmalıdır. Mən də həmişə fəxr edirəm ki, Bülbül məktəbindən bəhrələnmişəm. Əlbəttə, bütün bunlar müəllimim Mobil Əhmədovun sayəsində olub. O, beş il Azərbaycan professional vokal məktəbinin banisi dahi Bülbülün tələbəsi olub...
- Bildiyimizə görə, bu tamaşanı Bülbülə həsr etmək qərarına gəlmisiz?
- Bəli, mənim ifa edəcəyim “Koroğlu” operası dahi Bülbülə həsr olunur. Bu tamaşanı ona görə Bülbülə ithaf edirəm ki, onun ruhu şad olsun, görsün ki, bu sənət, bu məktəb, bu nəsil yaşayır, davam edir. Qeyd edim ki, mən Avropa əsərlərinin burada təbliğinin çox əleyhinəyəm. Niyə? Zənnimcə, biz daha çox milli operalarımızı dünyada təbliğ eləməliyik. Necə ki, Bakı Musiqi Akademiyasında Puççininin, Verdinin klavirləri var, həmçinin, milli operalarımızın notları dünyanın musiqi ocaqlarında olmalıdır. Biz alnı açıq, üzü ağ hər yerdə - istər Böyük Teatrda, istər La-Skala Teatrında, istərsə də dünyanın müxtəlif musiqi məkanlarında “Leyli və Məcnun”, “Koroğlu, “Şahsənəm”, “Sevil”, “Nizami”, “Vaqif”, “Natəvan” və digər operalarımızı nümayiş etdirə bilərik. Çünki bu əsərlərimizdə Azərbaycanın milli koloriti təcəssüm olunur.
- “Koroğlu” operası artıq 70 ildən artıqdır ki, repertuardadır. Məlumdur ki, bu vaxta kimi başda Bülbül olmaqla, böyük sənətkarlarımız bu operada yaddaqalan Koroğlular oynayıblar. Bu böyük məsuliyyətli işin öhdəsindən gəlmək çətin olmayacaq ki?
- “Koroğlu” obrazını uğurla yaradan sənətkarlardan biri SSRİ xalq artisti Lütfiyar İmanovla yaş fərqimiz çox olsa da, yaxın münasibətlərimiz var idi. O, səs imkanlarıma yaxından bələd idi və hər görüşümüzdə qeyd edirdi ki, səndən gözəl Koroğlu olar. Sadəcə, o vaxtı səsim buna imkan versə də, yaşım çox kiçik idi. Obraz yaradılanda faktura da böyük əhəmiyyət kəsb edir. Artıq səsimlə yanaşı fakturam da buna imkan verir ki, bu obrazı yaradım. Deməli, qismət martın 27-nə imiş...
- Həmin günə hazırlıq prosesi necə gedir? Koroğlunun mübariz əhval-ruhiyyəsini artıq özündə hiss edirsənmi?
- Demək olar ki, hər gün səhər yuxudan Koroğlu kimi dururam, gecə də Koroğlu kimi yatıram. Belə desəm, özümü Bakıda yox, Çənlibeldə hiss edirəm. Əhatəmdə də 7777 dəlim var. O dəlilərdən də biri elə mən özüməm. Yadımdadır ki, Mobil müəllim məni Tofiq Quliyev və Süleyman Ələsgərovun yanına aparanda Lütfiyar İmanov da onlarla idi. O, dedi ki, Koroğlunu oxumaq üçün gərək sən onun 7777 dəlisindən biri olasan. Roluna o dərəcədə vurğunu olmalısan ki, sən artıq səhnədə tamaşa getdiyi anda yox, elə məşqdə də özünü Koroğlu kimi hiss eləməlisən. Bu baxımdan, mən də hazırda Bakıdan çox “uzaqdayam”. Hazırlıq prosesinə gəlincə isə rejissor Hafiz Quliyevlə, dirijor Nazim Hacıəlibəyovla gərgin məşqlərimiz davam edir. Mən martın 27-də elə illərdir gördüyümüz Koroğlu geyimində səhnəyə çıxacağam. Bu obraz üçün yeni geyim hazırlatdırmadım, bu mənim üçün çox önəmlidir.
- Gənc yaşda Koroğlu oynayan Ramil Qasımov daha hansı obrazda çıxış etmək arzusundadır?
- Sözsüz ki, arzularım çoxdur. Arzusu olmayan insanın yaşamağa stimulu olmur. Məsələn, istərdim ki, səsimlə opera lentə yazılsın. Bilirsiniz, düşünüb ifa eləmək lazımdır. Mən vokalçı ifadəsini heç qəbul etmirəm. Çünki ifaçı olmaq lazımdır. İfaçı da müxtəlif rənglər kimi olmalıdır. Onda daha maraqlı alınar. Rəşid Behbudovun böyüklüyü onda idi ki, o, hər şey oxuyurdu. Bu baxımdan, qeyd edim ki, mən “Biz Bakıdanıq” adlı estrada-simfonik orkestri, eyni zamanda “R&D”, yəni “Ramil və onun dostları” adlı yeni şirkət açmışam. Azərbaycanın ən istedadlı və ziyalı gənclərini bir yerə cəm etməklə Vətənimizin onun hüdudlarından kənarda layiqli tanıdılmasına çalışacağıq. Məlumat üçün qeyd edim ki, artıq aprel ayında “Biz Bakıdanıq” estrada-simfonik orkestri ilə birgə Gəncədə “Səni tərənnüm edirəm, Azərbaycan!” adı altında konsert proqramı ilə çıxış edəcəyik. Gəncədən sonra bu proqramla Gürcüstanda da çıxış etmək niyyətimiz var. Bir də məqsədim budur ki, gələcəkdə “Koroğlu” operasını Böyük Teatrda, La-Skalada mənim ifamda təqdim olunsun.
İncəsənət
Əməkdar artist Arif Mirzəyev dəfn edilib - YENİLƏNİB-1
Bakı Beynəlxalq İncəsənət Festivalının ikinci mövsümündə 10 mindən çox tamaşaçı iştirak edib
Bakı Media Mərkəzinin istehsalı olan “Sükut içində addımlar” filminin təqdimat mərasimi keçirilib - FOTO
Birinci vitse-prezident Mehriban Əliyeva və ailə üzvləri dünya şöhrətli skripkaçı Devid Qarrettin simfonik şousunu izləyiblər
Xəbər Lenti
Aİ komissarı: Rusiya gələn il Ukraynaya 20 milyon dron buraxmağı planlaşdırır
“INMerge 2026” innovasiya sammitinə 94 ölkədən 1300-dən çox startap müraciəti daxil olub
Ukrayna ordusu Krasnodarda iki neft emalı zavodunun vurulduğunu təsdiqləyib
Sumqayıtda payız-qış mövsümü ilə bağlı müşavirə keçirilib
KİV: Putin Çinə nüvə çantası ilə gedib - VİDEO
Seneqal sahillərində miqrant qayığı batıb, 50-dən çox insan itkin düşüb
Bu il 6 vəkil Kollegiyadan xaric olunub, 27 nəfər cərimələnib
CENTCOM komandanı İsrail ordusunun ali rəhbərliyi ilə İranı müzakirə edib
DİN 104 kq narkotik, 8 min həbi dövriyyədən çıxarıb, 8 nəfər tutulub- VİDEO
Özbəkistanın axtarışa verdiyi şəxs Azərbaycanda saxlanılaraq təhvil verilib
Paşinyan TRIPP-in texniki parametrlərinin Azərbaycanla razılaşdırılmalı olduğunu bildirib
Əli Əsədov Gürcüstan Baş nazirinin müavini ilə görüşüb
Paşinyan Azərbaycanla sərhədyanı çayların birgə istifadəsi üzrə əməkdaşlıqdan danışıb
Neft və qaz ixrac edən ölkələr Antalyada enerji və iqlim məsələlərini müzakirə edib
Antalyaya uçan Rusiya təyyarəsində bomba təhlükəsi barədə məlumat daxil olub - YENİLƏNİB
Dövlət qulluğunda fəaliyyətin davam etdirilməsi ilə bağlı növbəti imtahan ləğv edilib, ödəniş geri qaytarılacaq
Mətbuat Şurası İdarə Heyətinin iclası keçirilib
Rusiya millisi AVRO-2028-in seçmə mərhələsinin püşkatmasına daxil edilməyib
Yeni hüquqi tənzimləmələrin tətbiqi ilə bağlı dövlət qulluğuna daxili müsahibə elanı ləğv edilib
Birbank-ın “Böl-ödə” krediti ilə 15 000 AZN-dək alış-verişi 6 ayadək komissiyasız hissələrə bölün
Bakıda və bəzi rayonlarda külək güclənəcək - XƏBƏRDARLIQ
Bakı Dialoqunun yekun Bəyannaməsi BMT-nin rəsmi sənədi kimi yayılıb
Şuşanın "İqtisadi Əməkdaşlıq Təşkilatının turizm paytaxtı” tədbirinin bağlanış mərasimi keçirilir
Su və Meliorasiya üzrə Layihələndirmə və Elmi Tədqiqat İnstitutunun işçilərinin sayı və əməkhaqları müəyyənləşib
Peskov Putin və Si Cinpinin Ukraynadakı münaqişəni müzakirə etdiklərini açıqlayıb
Putin və Tramp Çində ayaqüstü söhbət ediblər - VİDEO
Abşeronda yük maşınlarından 10 min manatlıq oğurluq edilib
İran ordusu ABŞ-a məxsus MQ-9 PUA-sını vurduğunu bildirir
“AzerGold” rəsmiləri Filizçay layihəsi ilə bağlı Balakəndə yerli icma nümayəndələri ilə görüşüblər - FOTO
“Real Madrid” Arda Gülərlə yeni müqavilə imzalayıb
Oğuzda avtoxuliqanlıq edən sürücü həbs olunub
Azərbaycan Prezidenti Edqars Rinkeviçsi təbrik edib
Prezident İlham Əliyev Oman Sultanına təbrik ünvanlayıb
Putin, Tramp və Si Cinpin arasında üçtərəfli danışıqların mövzuları açıqlanıb
Kreml Putin və Trampın ikitərəfli görüşünün vaxtının hələ razılaşdırılmadığını bildirib
Bakıda Azərbaycan və Avstriya arasında siyasi məsləhətləşmələr keçirilib
Tarixçi Aydın Balayevin “Azərbaycan türkləri" əsəri Azərbaycan dilində nəşr edilib
Diasporla İş üzrə Dövlət Komitəsi sədrinin müavinlərinin sayı artırılıb - FƏRMAN
Bakıda növbəti dəfə Gələcəyin Peşələri Sammiti keçirilib - FOTO
Almaniyanın xarici işlər naziri Ermənistana gedib
Rafiq Danakari: Amaras monastırına ziyarət xüsusi əhəmiyyət daşıyır
Gəncədə yol qəzasında 4 nəfər xəsarət alıb
Moldova Rusiyaya nota verib
Sumqayıt bulvarında 20 yaşlı oğlan dənizdə batıb - VİDEO
Şençjen sammiti: Çin, ABŞ və Rusiya liderlərinin görüşü beynəlxalq münasibətlərdə dönüş yarada biləcəkmi? – TƏHLİL
Birbank Private PWM və The Banker tərəfindən Azərbaycanın ən yaxşı özəl bankı seçilib
Azərbaycan və bp enerji layihələrinin inkişaf perspektivlərini müzakirə edib
Azərbaycanla Gürcüstan arasında iqtisadi tərəfdaşlığının genişləndirilməsi müzakirə edilib
Uşakov: Putin və Tramp bu gün görüşə bilərlər