İncəsənət

Ana səhifə

İncəsənət

Milli Kitab Mükafatının qısa siyahısı elan olunub – FOTO

Milli Kitab Mükafatının qısa siyahısı elan olunub – <font color=red>FOTO </font>

31 mart 2011 10:36 (UTC +04:00)

Bakı. Ülkər Qasımova-APA. Bu gün Milli Kitab Mükafatının (MKM) qısa siyahısı elan olunub. APA-nın məlumatına görə, siyahıda Etimad Başkeçidin "Kenterberri", Mirmehdi Ağaoğlunun "Küləyi dişləyən", Məqsəd Nurun "Şəhər meri", Natiq Rəsulzadənin "Xunxarlar", Natella Osmanlının "Mən axmağam", Nəriman Əbdürrəhmanlının "Yolsuz", Paşa Qəlbinurun "Qara su", Pərvizin "Yad dildə", Aslan Quliyevin "Sonuncu" və Azər Abdullanın "Sarı tağ" əsərləri var. Tədbirdə Milli Kitab Mükafatının təşkilat komitəsi, ekspertləri, münsifləri, media mənsubları, ictimai təşkilatların nümayəndələri, yazıçılar iştirak edib. 10 əsər və müəllif MKM-ə təqdim olunan 112 əsər arasından seçilib. Açılışda çıxış edən Nigar Köçərli qeyd edib ki, münsiflərin qiymətləndirilməsi www.mkm.az saytında “onluğ”a düşən hər əsərdən bir parça yerləşdiriləcək və oxucular arasında elektron səsvermə aparılacaq. Səsvermənin qalibi xüsusi diplom ilə təltif olunacaq.
Qeyd edək ki, münsiflər heyətinə yazıçı Afaq Məsud, yazıçı Çingiz Abdullayev, ssenarist Rüstəm İbrahimbəyov, “Zerkalo” qəzetinin baş redaktoru Elçin Şıxlı, kinorejissor Ramiz Fətəliyev, Xalq şairi Vagif Səmədoğlu, BDU-nun professoru Rəbiyyət Aslanova, “525-ci” qəzetinin baş redaktoru Rəşad Məcid, Xəzər Universitetinin rektoru Hamlet İsaxanlı, aparıcı-jurnalist Nərgiz Cəlilova, prodüser Balakişi Qasımov, tarix elmləri doktoru, BDU-nun professoru Cəmil Həsənli, AMEA-nın müxbir üzvü, professor Rafiq Əliyev, fəlsəfə elmləri doktoru, AİU-nın professoru Niyazi Mehdi, “Qanun” nəşriyyatının sahibi Şahbaz Xuduoğlu, kinorejissor Ayaz Salayev və rejissor Mehriban Ələkbərzadə daxildirlər.

Birinci yerin qalibi üç min, ikinci yeri tutan iki min, üçüncü yeri tutan isə min manat pul mükafatı ilə təltif olunacaq. Amerika yazıçısının ingilis dilindən Azərbaycan dilinə ən yaxşı tərcüməsi isə Amerika səfirliyi tərəfindən 1000 manatla mükafatlandırılacaq.

Xatırladaq ki, MKM “Bakcell” şirkətinin baş sponsorluğu və “Unibank” ASC-nin rəsmi sponsorluğu ilə təsis olunub. Mükafatın təsisçisi “Əli və Nino” Nəşriyyat Evidir.