İncəsənət

Ana səhifə

İncəsənət

Bakıda Azərbaycanın tanınmış rəssamlarının əsərlərinin satış sərgisi keçiriləcək

13 iyun 2011 13:23 (UTC +04:00)

Bakı. Ülkər Qasımova - APA. Azəbaycanın tanınmış rəssamlarının yeni yay satış sərgisi keçiriləcək. Satış sərgisi “Yeni Gallery” Bakı İncəsənət Mərkəzində təşkil olunacaq. Bakı İncəsənət Mərkəzinin rəhbəri Rəfael Gülməmmədlinin APA-ya verdiyi məlumata görə, satışa Toğrul Nərimanbəyov, Nadir Əbdürrəhmanov, Əşrəf Heybətov, Altay Sadıqzadə, Mikayıl Əbdürrəhmanov, Qəyyur Yunus, Soltan Qara, Tatyana Ağababayeva, İsa Məmmədov, Sabir Kamil oğlu, Rusiko Çikvaidzenin əsərləri çıxarılacaq.

Satışa çıxarılan əsərlərin qiymətinə gəlincə, ən bahalı əsər Toğrul Nərimanbəyovun karton üzərində yağlı boya ilə işlənilən “Lirik kompozisiya” əsəridir. 1970-ci ildə çəkilmiş əsərin qiyməti 10300 manatdır. Toğrul Nərimanbəyovun “Nar ilə kompozisiya” adlı növbəti əsəri 7500 manata, Altay Sadıqzadənin yağlı boya ilə kətan üzərində işlədiyi “Gəzinti” əsəri 7000 manata satışa çıxarılacaq. Sərgidə Rusiko Chikvaidzenin “Dünən, bu gün, sabah” seriyasından olan əsəri 2380 manata, Sabir Kamil oğlunun “Abstrakt kompozisiya”sı 1350 manata, Tatyana Agababayevanın “Ana və uşaq”, “Pəncərədən baxan” və eləcə də “Yasəmən” əsərləri 1300 manata, Qəyyur Yunusun “Kompozisiya” əsəri 1050 manata, Mikayıl Əbdürrəhmanovun “Günorta vaxti Abşeron mənzərəsi” isə 900 manata satılacaq.

Soltan Qaranın “Görüş”, “Addım”, “Söhbət” əsərləri 420, Fəxri Abbasovun “İçərişəhər” əsəri 350, İsa Məmmədovun “Bakı” əsəri 840, “Venesiya” əsəri 740, Əşrəf Heybətovun “Mis qablarla natürmort” əsəri 550, Məleykə Fərmanovanın “Göldə” əsəri 450, Fərman Qulamovun “Söhbət” əsəri 800, Nadir Abdurrahmanovun “Dağ kəndi” əsəri isə satış sərgi iştirakçılarına 400 manata təklif olunacaq.

satış_sərgi