İncəsənət

Ana səhifə

İncəsənət

Bakıda keçirilən “2+1” Eksperimental Teatr Festivalının nəticələrinə həsr olunmuş dəyirmi masa keçirilib – FOTO

Bakıda keçirilən “2+1” Eksperimental Teatr Festivalının nəticələrinə həsr olunmuş dəyirmi masa keçirilib – <font color=red>FOTO </font>

28 noyabr 2011 11:16 (UTC +04:00)

Bakı. Ülkər Qasımova – APA. Bu gün Teatr Xadimləri İttifaqında ötən həftə Bakıda keçirilən “2+1” Eksperimental Teatr Festivalının nəticələrinə həsr olunmuş dəyirmi masa keçirilib. APA-nın məlumatına görə, dəyirmi masanı açıq elan edən Teatr Xadimləri İttifaqının sədri, xalq artisti Azərpaşa Nemətov festival çərçivəsində 9 teatr kollektivinin ifasında 14 tamaşanın nümayiş olunduğunu bildirib. İttifaq sədri festival çərçivəsində iki gün qaz olmaması səbəbindən problemlərin ortaya çıxdığını da qeyd edib: “Festivalın əhəmiyyəti onun keçirilməsindədir. Çünki uzun müddət idi ki, bu cür festival keçirilmirdi və biz uzun illərdən sonra bu ənənəni bərpa etdik. Hər bir yaradıcı insan yeni söz deməyi bacarmalıdır, əks təqdirdə, onun inkişaf etməsi çətin məsələdir. Doğrudur, festival çərçivəsində tamaşaların nümayiş olunduğu zal soyuq idi, iki gün qazın olmaması isə ümumiyyətlə işi çətinləşdirdi. Amma biz çətinliklərə baxmayaraq, festivalı başa çatdırdıq”. A.Nemətov eləcə də, tamaşaların festivala buraxılmamışdan əvvəl mütləq nəzarətdən keçməli olduğunu vacibliyini vurğulayıb. O bildirib ki, festival çərçivəsində iki tamaşaya öncədən baxış keçirilib, digər səhnə əsərləri isə birbaşa festivalda nümayiş etdirilib. Elə bu səbəbdən tamaşaların əksəriyyətinin festivalın şərtlərin cavab vermədiyini fikirlərinə əlavə edib.
Teatrşünas Məryəm Əlizadə növbəti festivallarda tamaşaların festivalın adına uyğun hazırlanmasının vacib olduğunu deyib. M.Əlizadə dəyirmi masada gənc teatrşünasların fikirlərinə yer ayrılmasının tərəfdarı olduğunu deyib.
Gənc teatrşünas Elçin Cəfərov festivalın ən uğurlu üç tamaşasının adını açıqlayıb. O bildirib ki, bu, Gənc Tamaşaçılar Teatrının “Yerə göyə sığmayan adam”, Yuğ Teatrının “Kölgə” və “Tabu” tamaşalarıdır: “Ümumiyyətlə, istərdim ki, növbəti festivallarda bütün texniki avadanlıq problemi aradan qaldırılsın. Bu olduqca vacib məsələdir. Təqdirəlayiq haldır ki, Teatr Xadimləri İttifaqı festival ənənəsini bərpa etdi. İldə bir dəfə də olsa bu tipli festivalın keçirilməsinin Azərbaycan teatrını inkişafına təkan verəcəyinə inanıram”.

Dəyirmi masada vurğulanıb ki, festival çərçivəsində 16 tamaşa göstərilməli olsa da, Bakı Uşaq Teatrının Beynəlxalq festivalda iştirak etməsi səbəbindən tamaşaların sayı 14 olub. Eyni zamanda festival çərçivəsində Teatr Xadimləri İttifaqının binasında nümayiş olunmalı olan Yuğ Teatrı “Tabu” tamaşası texniki avadanlıq səbəbindən tamaşanı öz binasında göstərməli olub.

teatr festivalı