İncəsənət

Ana səhifə

İncəsənət

Dekabrın 17-18-də ənənəvi Qəbələ Beynəlxalq İncəsənət-Rəsm Sərgisi keçiriləcək

12 dekabr 2011 14:37 (UTC +04:00)

APA-nın məlumatına görə, bu silsilədən dekabrın 17-18-də “Qafqaz Resort” Otelində artıq ənənəyə çevrilmiş II Qəbələ Beynəlxalq İncəsənət-Rəsm Sərgisi keçiriləcək. Dünyanın 16 ölkəsindən 100-dən çox rəssam “Sənət! Həyat! Torpaq!” mövzusunda keçiriləcək sərgidə iştirakını artıq təsdiqləyib. Onlar ABŞ, Almaniya, Avstriya, Azərbaycan, Böyük Britaniya, Fransa, Gürcüstan, İsrail, İtaliya, Koreya, Qazaxıstan, Latviya, Rusiya, Slovakiya, Türkiyə və Ukraynanı təmsil edirlər.

Qeyd edək ki, 18-19 dekabr 2010-cu ildə keçirilmiş I Qəbələ Beynəlxalq İncəsənət-Rəsm Sərgisində dünyanın 14 ölkəsindən 81 rəssam iştirak edib. Təşkilatçılar hesab edir ki, sərgidə iştirak etmək istəyən rəssamların və ölkələrin sayı nəzərə alınsa, bu layihənin ideyasına olan marağın artdığını görmək olar. Bu isə öz növbəsində Azərbaycana və Azərbaycan incəsənətinə olan diqqətin daha bir göstəricisidir.

Təşkilatçılar ümid edir ki, bu tədbir Azərbaycanla müxtəlif ölkələr arasında dostluq və mədəni əlaqələrin möhkəmlənməsinə şərait yaradacaq.

Keçən il olduğu kimi, bu il də təqdim edilən əsərlərin əksəriyyətinin satışı nəzərdə tutulur.

Qəbələ_sərgi