USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Ana səhifə

İncəsənət

Azərbaycanın görkəmli muğam ifaçısı Qədir Rüstəmov dəfn olunub – FOTOSESSİYA

Azərbaycanın görkəmli muğam ifaçısı Qədir Rüstəmov dəfn olunub – <font color=red>FOTOSESSİYA</font>

15 dekabr 2011 13:15 (UTC +04:00)

APA-nın məlumatına görə, vida mərasimində baş nazirin müavini, xalq yazıçısı Elçin, mədəniyyət və turizm naziri Əbülfəs Qarayev, “Dağlıq Qarabağın Azərbaycanlı İcması” İctimai Birliyinin sədri Bayram Səfərov, BMA rektoru Fərhad Bədəlbəyli, Milli Konservatoriyanın rektoru Siyavuş Kərimi, Azərbaycanın tanınmış siyasi, mədəni, elm xadimləri, eləcə də Qədir Rüstəmov yaradıcılığının pərəstişkarları iştirak ediblər. Vida mərasimində Qədir Rüstəmovun ifasında xalq mahnıları, muğamlar səsləndirilib.

Mərasimdə çıxış edən mədəniyyət və turizm naziri Əbülfəs Qarayev ölkə başçısı İlham Əliyevin və ölkənin I xanımı Mehriban Əliyevanın baş sağlığını, sənətkarın ölümündən hədsiz kədərləndiklərini ailə üzvlərinə çatdırıb. Ə. Qarayev Qədir Rüstəmovun həyat və yaradıcılığından söhbət açıb, sənətkarın Azərbaycan mədəniyyətinin inkişafında göstərdiyi xidmətlərin misilsiz olduğunu vurğulayıb. Nazir, Qədir Rüstəmovun Azərbaycan mədəniyyəti üçün böyük itki olduğunu deyib və onun hər ifasının insanların yaddaşında qalacağını deyib.

Azərbaycan Yazıçılar Birliyinin (AYB) sədri, xalq yazıçısı Anar Qədir Rüstəmovla bağlı xatirələrini bölüşüb: “Həqiqətən də Qədirə qədər “Sona bülbüllər”i çoxları ifa etmişdi, amma Qədir buna öz ruhunu qoydu və beynimizə həkk elədi. Mən onu “Uzun ömrün akkordları” filmində Cabbar Qaryağdıoğlu roluna çəkmişəm. Bu rolda yalnız Qədiri görürdüm. Hətta onu filmə dəvət edəndə mənə dedilər ki, ona inanma, söz verir, amma gəlmir. Elə çəkiliş günü Qədir bir az gecikdi, amma gəldi və ona baxıb dedim “elə bildim gəlməyəcəksən”. Qədir isə bu sözümün qarşısında “sənə də dəli olduğumu demişdilər? Burada da dəli olmasan, baş çıxarmaq olmaz”. Qədir gözəl insan, əvəzolunmaz sənətkar idi. Səsi, nəfəsi daima bizimlə olacaq”.

Milli Konservatoriyanın rektoru Siyavuş Kərimi Qədir Rüstəmovun çox az sayda insana nəsib olan tale yaşadığını deyib: “Hamımız bu dünyadan gedəcəyik, bu gün hamı üçün var. Amma bu cür ad qoyub getmək hamıya nəsib olmur. O, “Sona bülbüllər”lə özünə heykəl qoydu. Bu gün yenə bir vətəndaş yola salırıq, qəlbi Qarabağla döyünən, ancaq Qarabağsız dünyadan gedən birini...”

Xalq artisti Arif Babayev Qədir Rüstəmovun səhhəti ilə gündəlik maraqlandığını deyib və onunla Türkiyədə olarkən saatlarla danışdığını xatırlayıb: “Mənimlə xeyli danışdı və hətta məndən konturumun olub-olmadığını belə soruşdu. Dedim var, danış gəlsin. Son sözü belə oldu: “Sağ gələcəyəm və birgə Qarabağa gedəcəyik”. Mən bunu gözləmirdim. Allah rəhmət eləsin”.

Ailə üzvləri adından çıxış edən sənətkarın oğlu Rüstəm Rüstəmov Qədir Rüstəmova həm xəstəxanada, həm də dəfn mərasiminin təşkilində göstərilən köməyə görə dövlət rəhbərliyinə minnətdarlıq edib. Muğam ifaçıları Mənsum İbrahimov, Nəzakət Teymurova, gitara ifaçısı Rəmiş Qədir Rüstəmovun əvəzsiz bir insan olduğunu diqqətə çatdırıblar. Rəmiş deyib ki, o, ürəyində Ağdam nisgili ilə dünyasını dəyişdi: “Qədirdən bir daha olmayacaq, o bir gəldi və bir də getdi. Bu, bütün Azərbaycanın, mədəniyyətimizin, muğamımızın itkisidir”.

Qədir Rüstəmovun həyat yoldaşı Fatma Rüstəmova isə bu gün ad günü olduğunu və bu ad gününü heç vaxt unutmayacağını deyib: “Bu gün mənim ad günümdür, bu ad günümü ömrümün sonuna kimi unutmayacağam. Bir ay bundan əvvəl həkimlər dedilər ki, gəlin aparatdan ayıraq, artıq yaşamaq ehtimalı yoxdur, amma mən qoymadım, dedim sağ gəlib, sağ da gedəcək. Son ana kimi mübarizə apardı, Qədir yaşamaq istəyirdi. Ölməmişdən 15 dəqiqə əvvəl onun yanına girdim. Ona qan köçürülürdü, amma həkimlərdən xahiş edib içəri girdim. Əlini tutdum, danışdım, dedim sağalacaqsan, artıq hər şey yaxşılığa doğru gedir. Dedim ki, məni eşidirsənsə, gözlərini qırp, o da qırpdı. Elə çölə çıxdım, beş dəqiqə sonra baş həkim gəldi ki, təəssüflər Qədir müəllimi itirdik”.

Fatma Rüstəmova deyib ki, Qədir Rüstəmov Ağdama getmək arzusu ilə yaşayıb və qayıdan kimi Ağdama gedəcəyini deyib.

Vida mərasimi başa çatdıqdan sonra mərhum Qədir Rüstəmov II Fəxri Xiyabanda torpağa tapşırılıb.

Allah rəhmət eləsin!

İDMAN XƏBƏR

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

13:45

28 avqust 2026

Xalq artisti Tofiq Bakıxanov II Fəxri xiyabanda dəfn edilib - <span class="red_color">YENİLƏNİB-2 - <span class="red_color">FOTO

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

13:17

25 avqust 2026

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

21:07

24 avqust 2026

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - <span class="red_color">YENİLƏNİB

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

08:24

24 avqust 2026

Xəbər Lenti

Şimali Kipr sahillərində gəmi batıb, 242 nəfər xilas edilib, 8 nəfər ölüb, 17 nəfərin axtarışı davam etdirilir - YENİLƏNİB-5

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Azərbaycanın görkəmli muğam ifaçısı Qədir Rüstəmov dəfn olunub – FOTOSESSİYA

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

Xəbər Lenti

DİQQƏT!

DİQQƏT!

DİQQƏT!