İncəsənət

Ana səhifə

İncəsənət

Zemfira Nərimanova: “İsrafil İsrafilov teatrda mənə rol verilməsinə qadağa qoyub” - EKSKLÜZİV

Zemfira Nərimanova: “İsrafil İsrafilov teatrda mənə rol verilməsinə qadağa qoyub” - <font color=red>EKSKLÜZİV</font>

09 yanvar 2012 11:52 (UTC +04:00)

Bununla bağlı APA-ya açıqlama verən aktrisa bildirib ki, müraciət etməsinin səbəbi ona rol verilməməsidir. Zemfira Nərimanova teatr rəhbəri İsrafil İsrafilova ünvanladığı müraciətdə oynanan tamaşalarda ona rol verilməməsindən şikayətlənib:
“Nəzərinizə çatdırmaq istəyirəm ki, Siz Akademik Milli Dram Teatrına direktor təyin olunduqdan sonra mənə cəmi bir rol - Saqarellinin “Xanuma” tamaşasında Tekle rolu həvalə olunub. Lakin təəssüflər olsun ki, bu tamaşanın ilk məşqlərindən tutmuş daxili baxışa qədər bütün məşqlərində iştirak etsəm də, premyera və daxili baxış zamanı mən cəmiyyətdəki nüfuzuma, 32 illik səhnə fəaliyyətimə, fəxri adlarıma uyğun olmayan hadisə ilə rastlaşdım. Nə daxili baxışda, nə premyerada mənə səhnəyə çıxmağa imkan verilmədi. Bu haqsızlıq mənim səhhətimə çox pis təsir etdi. Həmin tamaşanın məşqlərində qarşılaşdığım neqativ hallar barədə sizə yazılı surətdə məlumat versəm də, heç bir nəticə hasil olmadı. Bu səbəbdən sizdən xahiş edirəm ki, mənim 32 illik səhnə fəaliyyətimi, fəxri adlarımı, yaradıclıq mükafatlarımı, fiziki göstərcilərimi, intellektimi nəzər alıb bundan sonra teatrda səhnəyə qoyulan tamaşalarda sadaladığım kritereyalara uyğun rollar verilməsini təmin edəsəniz. Çünki mənim tamaşaçılarım bunu məndən tələb edirlər”.
Z. Nərimova qeyd edib ki,İ. İsrafilov teatrda rol almamasının səbəbi kimi rejissorların onunla işləmək istəmədiyini göstərir. Lakin aktrisa rejissorların belə faktı təkzib etdiklərini deyib: “İsrafil müəllim mənə bildirdi ki, Bəxtiyar Xanızadə mənə tamaşada rol vermək istəməyib. Amma mən bununla bağlı Bəxtiyar Xanızadəyə zəng elədim və o dedi ki, bu, ağ yalandır. Bu cür fikirlər məni yorur, indi də müraciət etmişəm. Ona görə də müarciətimi götürüb-götürməməyi belə fikirləşirdilər. Müraciətimi də çox çətinliklə qəbul etdilər. Gedib İsrafil İsrafilovdan soruşub sonra qəbul etdilər. O deyir ki, rejissorlar mənə rol vermir, halbuki özü buna qadağa qoyub. Guya hazırda tamaşa qoyan gürcü və ya moldovalı rejissor aktyor seçimini şəkil və video görüntülərlə həyata keçirir. Gürcü və ya moldovalı rejissor bizi haradan tanıyır? İsrafil İsrafilov bildrir ki, rejissor səninlə işləmək istəmir. Görəsən mənə nə olub, hansı rejissorla konfiktim var? Gürcü ya moldovalı rejissoru tanıyıram ki, onunla konfliktim olsun? İsrafil İsrafilov müxtəlif kütləvi informasiya vasitələrinə açıqlamasında və Bəsti Cəfərova elə sizə verdiyi açıqlamada bildiriblər ki, Zemfira getsin rol istəsin, ona rol versinlər… 32 illik yaradıcılığım dövründə mən məgər rol istəmişəm? Xalq artisti öz dili ilə rol istəməlidir. İslahat budur?”

Xalq artisti müraciətinin hələlik heç bir nəticəsi olmadığını deyib.

Məsələ ilə bağlı Akademik Milli Dram Teatrının direktoru İsrafil İsrafilovdan münasibət öyrənmək mümkün olmayıb.