İncəsənət

Ana səhifə

İncəsənət

Akademik Milli Dram Teatrında 65 yaşdan yuxarı olan aktyorlarla müqavilə imzalanıb – EKSKLÜZİV

Akademik Milli Dram Teatrında 65 yaşdan yuxarı olan aktyorlarla müqavilə imzalanıb – <font color=red>EKSKLÜZİV </font>

03 fevral 2012 09:30 (UTC +04:00)

APA-nın əldə etdiyi məlumata görə, prosesə fevralın 1-də start verilib. Akademik Milli Dram Teatrının direktoru İsrafil İsrafilov yaşı 65-dən yuxarı olan xalq artistləri ilə başlamaq qərarına gəlib. Məhz həmin gün teatr rəhbəri ötən ilin sonunda təqaüdə göndəriləcəyi deyilən 4 xalq artisti – Rafiq Əzimov, Hacı İsmayılov, Ramiz Məlik və Rəfael Dadaşovu qəbul edib. Adları qeyd olunan xalq artistləri ilə növbəti bir il üçün müqavilə imzalanb.
Xalq artisti Rafiq Əzimov APA-ya açıqlamasında müqavilə imzaladığını təsdiqləyib: “Fevralın 1-də teatr rəhbəri dördümüzlə görüşdü və çox hörmətlə danışdı. İki saata yaxın yaradıcılıq söhbətimiz oldu və gün çox xoş yadda qaldı. Söhbətdən sonra isə hər birimizlə müqavilə imzalandı. Mən arzu edərdim ki, Azərbaycanın əsas teatrından yalnız xoş sədalar eşidəsiniz. Teatrdakı yalnız yaradıcılıq söhbətləri, gözəl tamaşalardan danışılmasını diləyirəm”.
Teatrın aktyoru, xalq artisti Rafael Dadaşov APA-ya açıqlamasında artıq bütün problemlərin arxada qaldığını bildirib: “Şükür artıq hər şey yaxşıdır və bütün problemlər keçmişdə qalıb. Bizimlə müqavilələr imzalandı və direktorlar söhbətimiz də oldu. Bir il müddətində gözəl obrazlarla tamaşaçıları sevindirməyə çalışacağıq. Hələ ki, hər şey yaxşıdır və daha da gözəl olacağına ümid edirik”.
Onu da əlavə edək ki, teatrda kollektivlə müqavilə imzalanması prosesi davam etdiriləcək. Hələlik digər xalq artistləri ilə müqavilə imzalanmayıb və prosesin ləngiməsinin səbəbi kimi hava şəraitinin uyğunsuzluğu göstərilir.