USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Ana səhifə

İncəsənət

“Mahmud və Məryəm” tammetrajlı filminin çəkilişlərinə həsr olunmuş mətbuat konfransı keçirilib

18 iyul 2012 15:06 (UTC +04:00)

APA-nın məlumatına görə, tədbirdə bildirilib ki, filmlə bağlı bütün hazırlıqlar başa çatıb. Mətbuat konfransında əsərin müəllifi, baş nazirin müavini Elçin Əfəndiyev, mədəniyyət və turizm naziri Əbülfəs Qarayev, filmin yaradıcı heyəti iştirak edib.

Tədbirdə çıxış edən Dövlət Film Fondunun rəhbəri Cəmil Quliyev, Azərbaycan kinosu haqqında qonaqları məlumatlandırıb. Xalq yazıçısı Elçin bu romanı 30 il bundan öncə qələmə aldığını xatırladıb: “Əgər 30 ildən sonra hələ də öz aktuallığını itirməyibsə, sənət adamlarının maraqlandırırsa, bu roman müəllifi kimi məni sevindirir. İkinci sevindirici hal odur ki, film sevimli ölkəmiz Türkiyə ilə birlikdə çəkilir. Bu layihənin təşəbbüskarı Türkiyənin “24 Kare” şirkətidir. Onlar iki il öncə mənə müraciət etdilər. Bu roman Türkiyədə 5 müxtəlif formada tərcümə edilib, diplom işləri yazılıb, dissertasiyalar müdafiə edilib”.

Əsərin müəllifi bildirib ki, filmin çəkilişləri ilə bağlı başqa qurumlar tərəfindən bir neçə təklif olunmasına baxmayaraq, bunların onu qane etmədiyini vurğulayıb: “24 Kare”nin təklifi ürəyimcə oldu. Artıq sabahdan Şəkidə çəkilişlərə başlanacaq. Mən filmin bədii rəhbəriyəm. “24 Kare” ilə şərt kəsdik ki, mən ssenarini təsdiqləməsəm, bu film çəkilməyəcək. Onlar mənə ssenarini bir neçə variantda təqdim etdilər. Nəhayət, sonuncu variantı bəyəndim və təsdiqlədim”.

Yaradıcı heyətin dəyişməsinə gəlincə Elçin bildirib ki, ilk dəfə rejissor işini bəyənməyib: “İlk rejissor İngiltərədən idi. Onun rejissor işini bəyənmədim. Çünki orada Azərbaycan mentalitetliyinə uyğun olmayan nüanslar var idi. Azərbaycan gerçəkliyi, mənəviyyatı ilə uzlaşmayan, Şərqin koloritliyini duymayan məqamlar olduğu üçün razılaşmadım. Amma ikinci rejissorla söhbətimiz tutdu. Onun roman barəsində düşüncələri xoşuma gəldi”.

Türkiyədə yaşayan azərbaycanlı aktrisa Məlahət Abbasova 21 ilə yaxındır ki, Türkiyə teatrında işlədiyini xatırladıb: “Həmin müddətdə teatr repertuarında Azərbaycan əsəri yox idi və mən Bəxtiyar Vahabzadənin “İkinci səs” əsərini səhnələşdirdim. Bu gün isə bu filmi birgə ərsəyə gətirmək üçün yığışmışıq”.

Filmin Mahmud rolunun ifaçısı Aras Bulut çox həyəcanlı olduğunu və bu rol üçün əllərindən gələni edəcəyini vurğulayıb. Məryəm rolunun ifaçısı Eva Dedova da bu rola məhz özünün seçilməsindən dolayı sevincli olduğunu vurğulayıb. Filmdə Ziyad xan obrazının ifaçısı Fəxrəddin Manafov bu filmin çətinliyindən danışıb və filmdə türk dilində danışmağın onun üçün çox çətin olduğunu deyib: “Hətta Bombeydə belə filmdə çəkilmişəm, ingilis dilini bilmədən bunu bacarmışam. Amma türk dili mənə çox çətin gəlir və filmdə məhz türk dilində danışmalıyıq. Ümid edirəm ki, çətin osa da və hansısa hərfi səhv desəm üzrümdən keçərsiniz”.

Filmin ilkin hazırlıq və çəkilişlərində 150 nəfərlik heyət işləyir. Film 10 həftə ərzində çəkiləcək.

“Mahmud və Məryəm” filmində Fəxrəddin Manafov, Məlahət Abbasova, Mehmet Çevik, Tomris İncer, Polat Bilgin, Şamil Süleymanov, Açelya Özcan, Murad Abdullayev, Şafak Başkaya, Rövşən Ağayev, İlker Kızmaz, Ramiz Məlikov, Ufuk Şən, məşhur Amerika və ingilis əsərlərində oynayan Kristina Krapela kimi tanınmış aktyorlarla bərabər Cemal Hünal da qonaq aktyor kimi iştirak edəcək. Filmdə 25 nəfərlik dublyor heyəti və sürpriz qonaq aktyorlar da var. Aktyorlar 3 ay ərzində döyüş səhnələri, at minmə və qılıncdan istifadə etmə təlimi keçiblər. Film Azərbaycan və Türkiyənin bir sıra yerlərindən başqa, dekorasiyasının qurulduğu, 8 000 kvadrat metrlik böyük bir yaylaqda çəkiləcək. Kostyumlar üçün 13 min metr parçadan istifadə olunacaq.

Filmin bir çox viziual effekti əks etdirəcəyi post-prodüksiyon mərhələsi 3 ay davam edəcək. “Mahmud və Məryəm” Azərbaycan, Türkiyə ilə yanaşı 9 Avropa ölkəsində kinoteatrlarda, daha sonra televiziyada nümayiş olunacaq.

İDMAN XƏBƏR

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

13:45

28 avqust 2026

Xalq artisti Tofiq Bakıxanov II Fəxri xiyabanda dəfn edilib - <span class="red_color">YENİLƏNİB-2 - <span class="red_color">FOTO

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

13:17

25 avqust 2026

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

21:07

24 avqust 2026

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - <span class="red_color">YENİLƏNİB

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

08:24

24 avqust 2026

Xəbər Lenti

KİV: Ağ Evin mətbuat katibinin istefası Tramp administrasiyasında təəccüb doğurub

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

“Mahmud və Məryəm” tammetrajlı filminin çəkilişlərinə həsr olunmuş mətbuat konfransı keçirilib

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

Xəbər Lenti

DİQQƏT!

DİQQƏT!

DİQQƏT!