Drezdendə Azərbaycanın gənc bəstəkarlarının iştirakı ilə incəsənət layihəsi təşkil ediləcək
04 oktyabr 2012 08:43 (UTC +04:00)
Bakı. Ülkər Rəşidqızı - APA. Almaniyanın Drezden şəhərində keçirilən “TonLagen” beynəlxalq müasir musiqi festivalda Azərbaycanın gənc bəstəkarları iştirak edir.
Mədəniyyət və Turizm Nazirliyinin mətbuat xidmətindən APA-ya verilən məlumata görə, oktyabrın 13-dək davam edəcək festival çərçivəsində Azərbaycanın gənc bəstəkarlarının iştirakı ilə incəsənət layihəsi təşkil ediləcək.
Layihənin əsas məqsədi ölkəmizin müasir incəsənət potensialını Almaniyada təqdim etmək, iki ölkə arasında mədəni əlaqələrə töhfə vermək və incəsənət xadimləri arasında qarşılıqlı münasibətləri daha da inkişaf etdirməkdən ibarətdir. Müasir musiqi dünyasında kifayət qədər yüksək nüfuza malik «TonLagen» beynəlxalq müasir musiqi festivalına bu il Azərbaycanla yanaşı, ABŞ, Avstraliya, Çin, Danimarka, Estoniya, Fransa, Kanada, İrlandiya, İslandiya, İspaniya, İsveçrə, İtaliya və Yunanıstandan da sənətçilər dəvət olunublar. Festivala dəvət edilmiş azərbaycanlı bəstəkarlar Ayaz Qəmbərli, Firudin Allahverdi, Tahir İbişov, Türkər Qasımzadə (Sinsinnati Universiteti, ABŞ) və Səid Qəni (Amsterdam Konservatoriyası, Niderland) yeni əsərləri ilə Azərbaycan müasir musiqi sənətini nümayiş etdirəcəklər.
Bəstəkarların festivalda iştirakını təmin edən «Quinär» incəsənət layihəsi Almaniyada Robert Bosch Fondu, Saksoniya Əyalətinin Mədəniyyət Fondu və HELLERAU - Avropa İncəsənətlər Mərkəzi tərəfindən maliyyə və texniki cəhətdən dəstəklənir. Gənc bəstəkarların layihədə iştirakına Mədəniyyət və Turizm Nazirliyi də dəstək verib. Layihə oktyabrın 9-da saat 20:00-da Drezdenin HELLERAU - Avropa İncəsənətlər Mərkəzində təqdim ediləcək. Əsərlərin ifası gənc alman rejissoru Benyamin Şindler (Benjamin Schindler) tərəfindən hazırlanmış video-instalyasiya və gənc vokalçı Almut Kühne tərəfindən canlı elektron-improvizasiya ilə müşayiət olunacaq.
Mədəniyyət və Turizm Nazirliyinin mətbuat xidmətindən APA-ya verilən məlumata görə, oktyabrın 13-dək davam edəcək festival çərçivəsində Azərbaycanın gənc bəstəkarlarının iştirakı ilə incəsənət layihəsi təşkil ediləcək.
Layihənin əsas məqsədi ölkəmizin müasir incəsənət potensialını Almaniyada təqdim etmək, iki ölkə arasında mədəni əlaqələrə töhfə vermək və incəsənət xadimləri arasında qarşılıqlı münasibətləri daha da inkişaf etdirməkdən ibarətdir. Müasir musiqi dünyasında kifayət qədər yüksək nüfuza malik «TonLagen» beynəlxalq müasir musiqi festivalına bu il Azərbaycanla yanaşı, ABŞ, Avstraliya, Çin, Danimarka, Estoniya, Fransa, Kanada, İrlandiya, İslandiya, İspaniya, İsveçrə, İtaliya və Yunanıstandan da sənətçilər dəvət olunublar. Festivala dəvət edilmiş azərbaycanlı bəstəkarlar Ayaz Qəmbərli, Firudin Allahverdi, Tahir İbişov, Türkər Qasımzadə (Sinsinnati Universiteti, ABŞ) və Səid Qəni (Amsterdam Konservatoriyası, Niderland) yeni əsərləri ilə Azərbaycan müasir musiqi sənətini nümayiş etdirəcəklər.
Bəstəkarların festivalda iştirakını təmin edən «Quinär» incəsənət layihəsi Almaniyada Robert Bosch Fondu, Saksoniya Əyalətinin Mədəniyyət Fondu və HELLERAU - Avropa İncəsənətlər Mərkəzi tərəfindən maliyyə və texniki cəhətdən dəstəklənir. Gənc bəstəkarların layihədə iştirakına Mədəniyyət və Turizm Nazirliyi də dəstək verib. Layihə oktyabrın 9-da saat 20:00-da Drezdenin HELLERAU - Avropa İncəsənətlər Mərkəzində təqdim ediləcək. Əsərlərin ifası gənc alman rejissoru Benyamin Şindler (Benjamin Schindler) tərəfindən hazırlanmış video-instalyasiya və gənc vokalçı Almut Kühne tərəfindən canlı elektron-improvizasiya ilə müşayiət olunacaq.
İncəsənət
"Musiqi kimliyimiz" layihəsi növbəti dəfə Aşıq Şəmşirə həsr olunacaq
15:20
9 may 2024
Moskvada Heydər Əliyevin anadan olmasının 101-ci ildönümünə həsr olunmuş xatirə gecəsi keçirilib - FOTO
08:06
9 may 2024
Gəncə Dövlət Filarmoniyasının təqdim etdiyi "Üzbəüz" layihəsinin qonağı Siyavuş Kərimi olub - FOTO
02:55
8 may 2024
Musiqi məktəblərinə şagird qəbulu başlayıb
14:11
6 may 2024