Akademik Milli Dram Teatrında yazıçı Elçinin əsəri ilə bağlı qalmaqal yaranıb
APA-ya daxil olan məlumata görə, aktyorun teatrdan uzaqlaşmasının səbəbi baş nazirin müavini Elçin Əfəndiyevin pyesi əsasında, Mehriban Ələkbərzadənin rejissorluğu ilə hazırlanan “Qatil” tamaşası ilə bağlı olub. Belə ki, sözügedən tamaşada müvafiq rola təsdiqlənən və məşqlərə gələn İlyas Əhmədov səbəbsiz şəkildə roldan çıxarılıb və bu hal aktyora pis təsir edib. Bundan sonra aktyor haqsızlığa uğradığını səbəb göstərərək işdən çıxmaqla bağlı ərizə yazıb və ərizəsi teatrın direktoru İsrafil İsrafilov tərəfindən imzalanıb.
İsrafil İsrafilov: “Hansısa aktyor və ya əməkdaş ərizə yazıb işdən getmək istəyirsə, onun tələbi təmin olunur”
Teatrın rəhbəri İsrafil İsrafilov APA-ya açıqlamasında faktı təsdiqləyərək bildirib ki, aktyor öz ərizəsi ilə işdən uzaqlaşıb. Aktyorun işdən çıxmaqla bağlı ərizəsinə imza atan İ.İsrafilov bu məsələ ilə bağlı rejissor Mehriban Ələkbərzadə ilə əlaqə saxlamağı da məsləhət görüb. O, aktyorun işdən çıxma səbəbi haqqında məlumatsız olduğunu qeyd edib: “Hansısa bir aktyor və ya əməkdaş ərizə yazıb işdən getmək istəyirsə, onun tələbi təmin olunur. Bu qanuni haldır və qeyri-qanuni heç nə yoxdur. Kimisə döyüb, sıxıntıya salıb, təhqir edib burdan qovan yoxdur. Aktyor əgər ərizə yazıb gedirsə, bu təbii bir haldır. Mehriban Ələkbərzadə sağdır, ondan aktyor və rejissor münasibətlərini öyrənə bilərsiniz”.
Akademik Milli Dram Teatrından işdən çıxan aktyor: “Bir ay boyunca məşq etdim, dörd serialdan imtina etdim, çörəyimdən oldum”
Aktyor İlyas Əhmədov APA-ya açıqlamasında həqiqətən də teatrdan öz ərizəsi ilə çıxdığını təsdiqləyib və bunun səbəblərinə də aydınlıq gətirib. Aktyor bildirib ki, o, “Qatil” tamaşasında baş rola təsdiqlənib, lakin hansı səbəblə roldan çıxarılmasının səbəbi belə özünə deyilməyib: “Adamı yandıran odur ki, səbəbsiz olaraq məni o roldan kənarlaşdırdı. Bir ay “ay direktor, ay filankəs” deyib səbəbini demələri üçün arxalarınca düşdüm. Dedim ki, səbəbini rəsmi olaraq yazın ki, “bu aktyor məni qane etmədi”. Mənə heç bir səbəb gətirmədən, halbuki məşqlərin heç birində mənə bir dəfə də olsun “alınmır” sözü belə deməyib. Bizim truppa müdiri Elnura deyib ki, İlyasda problem yoxdur. Yaxşı, problem yoxdur, o zaman səbəbini açıqlayın. Əmrdə adım da yazılıb ki, İlyas Əhmədov Kişi rolunda çıxış edəcək. Çağırmaq və demək lazım idi ki, İlyas, bu səbəblərə görə mən səni məşqdən azad edirəm. Bu, mənə qarşı hörmətsizlik oldu. Mən hətta direktorun yanına qalxdım, o da dedi ki, “bəli, rejissoru çağırın rəsmi olaraq yazsın ki, nəyə görə İlyası biz roldan uzaqlaşdırırıq”. Bir həftə, on gün gözlədim və gördüm ki, mənim hisslərimlə oynanılır, səbrim tükəndi və ərizəmi yazdım. Ərizədə teatrdan çıxmağımın səbəbini də yazdım”.
Aktyor bildirib ki, teatrın direktoru İ.İsrafilov onun yanında zəng edərək “o xanıma deyin ki, əhval-ruhiyyə ilə aktyor seçmək olmaz” söyləyib, amma yenə də nəticəsiz olub: “Səbəbsiz olması və heç bir səbəb gətirilməməsi mənə təsir edir. Bir ay boyunca məşq etdim, dörd serialdan imtina etdim və çörəyimdən oldum. Axı bu real deyil. Mehriban Ələkbərzadəyə sübut etdim ki, hər şeyi siz istədiyiniz kimi həll etmirsiniz. Mənim də öz şərəfim, hörmətim var. Aktyorun ürəyi zərifdir, həssasdır, tez inciyir, onu sındırmaq lazım deyil. Onsuz da aktyor Azərbaycanda ən bədbəxt bir insandır. Onlar mənim hisslərimlə oynadılar. Teatrda belə heç kim işdən çıxmağımın səbəbini bilmir. İlk dəfədir bunu sizə danışıram. Mənim nə dayım var, nə tapşıran adamım var, nə də biznesmen deyiləm. O teatrda Qvazimoda, Fətulla bəy, “Uçqun”da baş rol oynamışam. Bəs bunlar hara getdi? 10 il mən o teatrda işləmişəm və bir anda hər şey silinib getdi. Siyavuş Aslan, Yaşar Nuri, Kamal Xudaverdiyev, Telman Adıgözəlov, Sevil Xəlilova getdi, onlar heç yada salınmır. Mən kiməm? Cəmi 10 il işləmişəm. Dostum Səbuhi Məmmədov 23 il işlədi və iki ay bundan əvvəl ərizəsini yazıb işdən çıxdı. Elə bil heç belə adamlar da yoxdur. Mən o zaman Mədəniyyət və İncəsənət Universitetini hədər yerə oxudum. Hamısından iyrənmişəm, heç kimə nəticəsi olmayan müraciətlər etməyəcəm”.
İ.Əhmədov deyib ki, “Qatil” tamaşasının məşqinə çox həvəslə gəlib, hətta rejissordan tez: “Axı mən dördüncü məşqdə artıq teksti yerə atmışdım, hətta qızın da sözlərini bilirdim. Nə oldu bəs axırı? Oturub düşünürəm ki, bəlkə nəsə olub, amma heç nə olmayıb. Akademik Milli Dram Teatrında elə fikir yaranıb ki, aktyorlar rejissordan asılıdır. Niyə, rejissor bizdən asılıdır. Mən öz istedadıma güvənirəmsə, rejissordan nə asılacağım ola bilər? O, artıq Milli Dram Teatrında “orda oturmayın, burda oturun” söhbətinə öyrəşib, amma mən bunu etmədim. Mən tələb edirəm ki, səbəbini açıqlasın. Əgər o, düşünsə ki, bir aktyorun taleyi ilə oynadı, o zaman vicdan əzabı çəkəcək...”
Mehriban Ələkbərzadə: “Hikməti seçdim və düz etdiyimi düşünürəm”
“Qatil” tamaşasının quruluşçu rejissoru Mehriban Ələkbərzadə APA-ya açıqlamasında İ.Əhmədovun roldan çıxarılma səbəbinə aydınlıq gətirib. Rejissor bildirib ki, iyun ayında sözügedən tamaşanın məşqlərinə başlayanda hər rola iki aktyor götürülüb: “Bu tamamilə yeni baxış idi. İlyas və Hikmət ikisi də eyni rola təsdiq olundu. Masa arxası məşqlərdə mən hər gün deyirdim ki, sizin ikinizdən biriniz qalacaqsınız. Burada mənim dublyorla işləməyə zamanım və həvəsim yox idi, çünki bir aktyorla işləmək daha rahatdır. Amma bu ikisinin içindən məndə daha çox inam doğuran Hikmət oldu. Mən demirəm ki, İlyas pisdir, o biri daha yaxşıdır. Bu rol üçün lazımi daxili aləmi mən Hikmətdə tapdım. Aktyor içindəki intellekt bazasından istifadə etməlidir. Bu məsələdə Hikməti seçdim və düz etdiyimi düşünürəm. Bu, sınaq idi və o, sınaqdan keçə bilmədi. Bir ay məşq oldu, bir ay fasilə və daha sonra yenidən başladıq. Niyə bu üç ayı yaxınlaşmır və premyeraya iki gün qalmış bu məsələni qaldırır? Şəxsi istəklər ola bilər, amma hamı hər şeyi edə bilməz. Yaxşı olardı ki, onlar bir az intellektləri ilə məşğul olardılar, çünki qətiyyən heç nə oxumurlar, öz üzərlərində işləmirlər. Bunu mən hər bir aktyora məsləhət görürəm”.
Rejissor ”Qatil” tamaşasında yer alan açıq-saçıq səhnələrin narazılıq doğurması məsələsinə də toxunub və bildirib ki, bu əsər 12 il bundan əvvəl qoyduğu tamaşadır və bərpası adı ilə işlənilib: “Dünən əsərin müəllifi Elçin müəllim tamaşaya baxıb və çox bəyənib. Tamaşada sındırılmış stereotiplər var. Aktyor pərdənin arxasında qucaqlaşır, öpüşür. Bu həyatdır, çox amansız həyatdır və bu amansız həyatın amansız qanunları var. Tamaşada açıq-səhnələrə etiraz edənlərin 90%-nin həyatda etdiklərini mənim aktyorlarım səhnədə edir və bu, əsərin məzmunundan gələn şeydir. Elçin müəllimin baxış zamanı ən çox qiymətləndirdiyi də elə bu oldu”.
İncəsənət
Əməkdar artist Arif Mirzəyev dəfn edilib - YENİLƏNİB-1
Bakı Beynəlxalq İncəsənət Festivalının ikinci mövsümündə 10 mindən çox tamaşaçı iştirak edib
Bakı Media Mərkəzinin istehsalı olan “Sükut içində addımlar” filminin təqdimat mərasimi keçirilib - FOTO
Birinci vitse-prezident Mehriban Əliyeva və ailə üzvləri dünya şöhrətli skripkaçı Devid Qarrettin simfonik şousunu izləyiblər
Xəbər Lenti
ABŞ kəşfiyyatı: Süni intellektlə həyata keçirilən kiber əməliyyatların miqyası kəskin artıb
Bərdədə avtomobil piyadanı vurub öldürüb
Qazaxda yol qəzasında 4 nəfər ölüb, 1 nəfər xəsarət alıb - FOTO - YENİLƏNİB 2
Milli Məclisin sədri Sahibə Qafarova Türkmənistana işgüzar səfərə gedib
Bakıda Şimali Kiprin müstəqilliyinin 43-cü ildönümü münasibətilə rəsmi qəbul keçirilib
Almaniyanın XİN rəhbəri Paşinyan və Mirzoyanla görüşü barədə paylaşım edib
Ceyhun Bayramov ABŞ-ın sülh missiyaları üzrə xüsusi nümayəndəsinin baş müşaviri ilə görüşüb
Şuşanın "İqtisadi Əməkdaşlıq Təşkilatının turizm paytaxtı” tədbirinin bağlanış mərasimi keçirilib - YENİLƏNİB
İranın Bəndər Abbas şəhərində eşidilən partlayış səslərinin səbəbi açıqlanıb
Kvrivişvili: Azərbaycanla yeni iqtisadi əməkdaşlıq imkanlarını müzakirə etdik
General Natiq Əliyevin külli miqdarda dələduzluqda ittiham olunan qızı barəsində qərar verilib
ABŞ Qeşm adasında SEPAH-ın raket buraxılış məntəqəsinə zərbə endirib
Gürcüstan Müdafiə Qüvvələri komandanı Azərbaycan xüsusi təyinatlılarının məşğələsini izləyib - VİDEO
Aİ komissarı: Rusiya gələn il Ukraynaya 20 milyon dron buraxmağı planlaşdırır
“INMerge 2026” innovasiya sammitinə 94 ölkədən 1300-dən çox startap müraciəti daxil olub
Ukrayna ordusu Krasnodarda iki neft emalı zavodunun vurulduğunu təsdiqləyib
Sumqayıtda payız-qış mövsümü ilə bağlı müşavirə keçirilib
KİV: Putin Çinə nüvə çantası ilə gedib - VİDEO
Seneqal sahillərində miqrant qayığı batıb, 50-dən çox insan itkin düşüb
Bu il 6 vəkil Kollegiyadan xaric olunub, 27 nəfər cərimələnib
CENTCOM komandanı İsrail ordusunun ali rəhbərliyi ilə İranı müzakirə edib
DİN 104 kq narkotik, 8 min həbi dövriyyədən çıxarıb, 8 nəfər tutulub- VİDEO
Özbəkistanın axtarışa verdiyi şəxs Azərbaycanda saxlanılaraq təhvil verilib
Paşinyan TRIPP-in texniki parametrlərinin Azərbaycanla razılaşdırılmalı olduğunu bildirib
Əli Əsədov Gürcüstan Baş nazirinin müavini ilə görüşüb
Paşinyan Azərbaycanla sərhədyanı çayların birgə istifadəsi üzrə əməkdaşlıqdan danışıb
Neft və qaz ixrac edən ölkələr Antalyada enerji və iqlim məsələlərini müzakirə edib
Antalyaya uçan Rusiya təyyarəsində bomba təhlükəsi barədə məlumat daxil olub - YENİLƏNİB
Dövlət qulluğunda fəaliyyətin davam etdirilməsi ilə bağlı növbəti imtahan ləğv edilib, ödəniş geri qaytarılacaq
Mətbuat Şurası İdarə Heyətinin iclası keçirilib
Rusiya millisi AVRO-2028-in seçmə mərhələsinin püşkatmasına daxil edilməyib
Yeni hüquqi tənzimləmələrin tətbiqi ilə bağlı dövlət qulluğuna daxili müsahibə elanı ləğv edilib
Birbank-ın “Böl-ödə” krediti ilə 15 000 AZN-dək alış-verişi 6 ayadək komissiyasız hissələrə bölün
Bakıda və bəzi rayonlarda külək güclənəcək - XƏBƏRDARLIQ
Bakı Dialoqunun yekun Bəyannaməsi BMT-nin rəsmi sənədi kimi yayılıb
Su və Meliorasiya üzrə Layihələndirmə və Elmi Tədqiqat İnstitutunun işçilərinin sayı və əməkhaqları müəyyənləşib
Peskov Putin və Si Cinpinin Ukraynadakı münaqişəni müzakirə etdiklərini açıqlayıb
Putin və Tramp Çində ayaqüstü söhbət ediblər - VİDEO
Abşeronda yük maşınlarından 10 min manatlıq oğurluq edilib
İran ordusu ABŞ-a məxsus MQ-9 PUA-sını vurduğunu bildirir
“AzerGold” rəsmiləri Filizçay layihəsi ilə bağlı Balakəndə yerli icma nümayəndələri ilə görüşüblər - FOTO
“Real Madrid” Arda Gülərlə yeni müqavilə imzalayıb
Oğuzda avtoxuliqanlıq edən sürücü həbs olunub
Azərbaycan Prezidenti Edqars Rinkeviçsi təbrik edib
Prezident İlham Əliyev Oman Sultanına təbrik ünvanlayıb
Putin, Tramp və Si Cinpin arasında üçtərəfli danışıqların mövzuları açıqlanıb
Kreml Putin və Trampın ikitərəfli görüşünün vaxtının hələ razılaşdırılmadığını bildirib