İncəsənət

İncəsənət

Məşhur Glenn Miller Orkestri Bakıda çıxış edib

22 oktyabr 2012 09:11 (UTC +04:00)

Bakı. Ülkər Rəşidqızı – APA. Oktyabrın 21-də Heydər Əliyev Sarayında Bakıda keçirilən Beynəlxalq Caz Festivalı çərçivəsində məşhur Glenn Miller Orkestrinin konserti keçirilib. APA-nın məlumatına görə, konsertdə orkestrin ifasında ən məşhur caz kompozisiyaları təqdim olunub. Orkestrin ifaçıları Bakıdakı konsertlərində xüsusi şou nümayiş etdiriblər. Bakıya gəlməklərindən və Azərbaycanda cazın bu qədər sevilməsindən məmnun olduqlarını dilə gətirən orkestr üzvləri, yenidən ölkəmizdə çıxış etmək niyyətlərini də bəyan ediblər.

Bildirilib ki, caz biq-bend orkestri 1937-ci ildə Qlen Miller tərəfindən yaradılıb. “Moonlight Serenade”, “In the Mood”, “Tuxedo Junction”, “Chattancooga Choo Choo”, “I’ve Got a Gal in Kalamazoo” kimi əsərlər orkestrə geniş populyarlıq qazandırıb. 1944-cü ildən etibarən orkestrin rəhbərliyi müğənni və saksafonçu Teks Beneka, daha sonra isə zərb ifaçısı Rey Makkinliyə həvalə olunur. Orkestr müxtəlif dirijorlarla fəaliyyətinin davam etdirir. Bunların arasında Baddi de Franko, Pinats Xako kimi məşhurlar da var. Orkestr bu günə kimi populyarlığını və peşəkarlığını yüksək səviyyədə saxlayır. Glenn Miller Orkestrinin rəsmi lisenziyası ilə 3 orkestr fəaliyyət göstərir. Bunlar 1985-ci ildən Rey Makveyin idarə etdiyi Glenn Miller Orchestra Europe və 2010-cu ildən Yan Slotenasın idarə etdiyi Glenn Miller Skandinaviya orkestrləridir.

Mədəniyyət və Turizm Nazirliyi, Azərbaycan Mədəniyyət Fondunun birgə təşkilatçılığı ilə keçirilən Bakı Beynəlxalq Caz Festivalı oktyabrın 25-dək davam edəcək.

Glenn Miller