USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Ana səhifə

İncəsənət

Bakıda Bülbül adına VI Beynəlxalq Müsabiqəsinin püşkatma mərasimi və açılışı keçirilib

29 oktyabr 2012 09:46 (UTC +04:00)

Bakı. Ülkər Rəşidqızı – APA. Bakıda Mədəniyyət və Turizm Nazirliyinin və Bülbül Fondunun təşkilatçılığı ilə Vokalçıların Bülbül adına VI Beynəlxalq Müsabiqəsinin püşkatma mərasimi və açılışı keçirilib. APA-nın məlumatına görə, tədbirdə çıxış edən mədəniyyət və turizm naziri Əbülfəs Qarayev bu gün çağdaş həyatımızda əlamətdar hadisə baş verdiyini deyib: “Bakı şəhərində Vokalçıların Bülbül adına VI Beynəlxalq müsabiqəsi öz işinə başlayır. Mən böyük fərəh hissi ilə bu dəyərli müsabiqənin iştirakçılarını, münsiflər heyətini, fəxri qonaqları, təşkilatçıları salamlayıram. Düz deyirlər ki, vaxt sürət qatarı kimi irəliləyir. Azərbaycanın böyük müğənnisi, milli vokal sənətinin banisi Bülbülün adını daşıyan sənət yarışması 15 yaşına qədəm qoyur. İki əsrin qovşağında meydana gələn bu müsabiqə 15 il ərzində dünyanın ən nüfuzlu konsert salonlarında çıxışlar edən, tamaşaçıları heyrətə gətirən istedadların parlamasına imkan yaradıb. Müsabiqənin beynəlxalq tərkibli münsiflər heyətinə məşhur müğənni, Rusiyanın xalq artisti Sergey Leyferkus rəhbərlik edir. Əvvəlki illərdən fərqli olaraq, ilk dəfə müsabiqə çərçivəsində Vokalçıların Yarmarkası da keçiriləcək”. Nazir deyib ki, bu il də müsabiqənin və Yarmarkanın münsiflər heyətinə yalnız müğənnilər deyil, eyni zamanda tanınmış dirijorlar, menecerlər, prodüserlər, opera teatrlarının rəhbərləri daxildir.

Tədbirdə çıxış edən münsiflər heyətinin sədri Sergey Leyferkus Bakıda keçirilən festivalın əhəmiyyətindən danışıb. Builki müsabiqə Azərbaycan professional vokal sənətinin banisi, böyük müğənni pedaqoq və musiqişünas-alim, ictimai xadim, Dövlət mükafatları laureatı, professor Bülbülün anadan olmasının 115 illiyinə həsr edilib. Müsabiqədə 14 ölkədən (Azərbaycan, Rusiya, Gürcüstan, Ukrayna, Qazaxıstan, Belarus, Türkiyə, Moldova, Bolqarıstan, Özbəkistan, İran, ABŞ, Monqolustan, Yaponiya) ümumilikdə 65 vokalçı iştirak edir. İfaçıların çıxışlarını Rusiyanın xalq artisti, professor Sergey Leyferkusun sədrliyi ilə beynəlxalq münsiflər heyəti qiymətləndirəcək. Münsiflər heyətinə Bakı Musiqi Akademiyasının rektoru, professor Fərhad Bədəlbəyli, Odessa Milli Operasının baş dirijoru, Moldovanın xalq artisti, professor Samuil Alexandru, Gut İmmling festivalının (Almaniya) bədii rəhbəri Cornelia Gabriele Maria fon Kerssenbrock, Flamand operasının baş dirijoru Dmitri Jurowski, Rusiyanın xalq artisti, Stanislavski və Nemiroviç-Dançenko adına Moskva Musiqili Teatrının bədii rəhbəri Alexander Titel, Lion Milli Operasının art direktoru Robert Theo Körner, Brukner Festivalının (Avstriya) bədii rəhbəri Hans-Joachim Frey, Los Anceles Operasının art direktoru David Lee Joshua Winograde, Tbilisi Opera və Balet Teatrının solisti Teymuraz Ququşvili, Kiyev Milli Operasının solisti Mariya Stefyuk daxildir. Müsabiqənin fəxri qonaqları sırasında Avstriya, Türkiyə, Almaniya, İspaniya, Rusiyadan tanınmış musiqi xadimləri, sənətkarlar yer alacaq. Çıxışlardan və təqdimatdan sonra müsabiqənin püşkatma mərasimi keçirilib. Oktyabrın 30-da müsabiqənin I, oktyabrın 31-də II, noyabrın 3-də isə III turu keçiriləcək. Noyabrın 4-də Azərbaycan Dövlət Filarmoniyasında müsabiqə qaliblərinin iştirakı ilə Bülbülün 115 illiyinə həsr olunmuş yubiley gecəsi keçiriləcək. Filarmoniyanın foyesində isə Musiqi Mədəniyyəti Dövlət Muzeyinin sərgisi nümayişi nəzərdə tutulur.

Bildirilir ki, müsabiqənin qran-pri mükafatı 10 min, I mükafat 5 000, II mükafat 3 000, III mükafat 2 000, IV mükafat 1 000 manat məbləğindədir.

müsabiqə _ püşkatma

İDMAN XƏBƏR

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

13:45

28 avqust 2026

Xalq artisti Tofiq Bakıxanov II Fəxri xiyabanda dəfn edilib - <span class="red_color">YENİLƏNİB-2 - <span class="red_color">FOTO

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

13:17

25 avqust 2026

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

21:07

24 avqust 2026

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - <span class="red_color">YENİLƏNİB

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

08:24

24 avqust 2026

Xəbər Lenti

Putin Aİ-yə üzvlüklə bağlı referendum məsələsində Rusiyanın mövqeyini Paşinyana açıqlayacaq

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Bakıda Bülbül adına VI Beynəlxalq Müsabiqəsinin püşkatma mərasimi və açılışı keçirilib

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

Xəbər Lenti

DİQQƏT!

DİQQƏT!

DİQQƏT!