İncəsənət

İncəsənət

“Nizami” Kino Mərkəzində “Carçıfilm” günləri”nin açılışı keçirilib - FOTOSESSİYA

“Nizami” Kino Mərkəzində “Carçıfilm” günləri”nin açılışı keçirilib - <font color=red>FOTOSESSİYA</font>

01 noyabr 2012 12:15 (UTC +04:00)

Bakı. Ülkər Rəşidqızı - APA. Bu gün “Nizami” Kino Mərkəzində İctimai Televiziya və Radio Yayımları şirkətinin “Carçıfilm” Yaradıcılıq Birliyinin Mədəniyyət və Turizm Nazirliyi ilə birgə “Çarçıfilm” günləri”nin açılışı keçirilib.

APA-nın məlumatına görə, tədbirdə ilk əvvəl Səməd Vurğunun “Azərbaycan” şeiri oxunub və xüsusi video-çarx nümayiş etdirilib.
Daha sonra “Çarçıfilm”in fəaliyyətini əks etdirən qısa film tədbir iştirakçılarına təqdim edib. Açılış mərasimində çıxış edən İctimai Televiziya və Radio Yayımları Şirkətinin baş direktoru İsmayıl Ömərov “Çarçıfilm”in belə bir ideyanı gerçəkləşdirməsi və bunun uğur qazanması münasibətilə hər kəsi təbrik edib. İ.Ömərov Azərbaycanda kino sahəsində yaşanan bəzi çatışmazlıqların məhz “Çarçifilm” sayəsində ortadan qalxdığını diqqətə çatdırıb. Tədbirdə mədəniyyət və turizm nazirinin müavini Ədalət Vəliyev, Cəfər Cabbarlı adına “Azərbaycanfilm” Kinostudiyasının direktoru Müşfiq Hətəmov, şair Ramiz Rövşən, millət vəkili Sabir Rüstəmoğlu, rejissor-aktyor Ramiz Əzizbəyli və başqaları çıxış edərək, yaradıcı heyətə uğurlar arzulayıblar.

Bildirilib ki, 6 noyabr - Teleradio işçilərinin peşə bayramı ərəfəsində keçirilən “Carçıfilm” günləri noyabrın 1-dən 5-dək davam edəcək. “Carçıfilm” günlərində yaradıcılıq birliyinin istehsal etdiyi bədii və sənədli filmlər nümayiş olunacaq.

Tədbirdə eyni zamanda kino, teatr, təhsil, mədəniyyət strukturlarının, ictimai təşkilatların nümayəndələri, tanınmış rejissorlar, aktyorlar, operatorlar iştirak ediblər. Çıxışlardan sonra şair-yazıçı Ramiz Rövşənlə quruluşçu rejissor Cavid Təvəkkülün “Carçıfilm”də istehsal edilən “Səhərə inan” filmi nümayiş etdirilib.

Qeyd edək ki, noyabrın 2-dən 5-dək “Nizami” Kino Mərkəzində gün ərzində 3 seans olmaq şərti ilə “Carçıfilm”in filmləri nümayiş etdiriləcək. Kino həvəskarları filmlərin nümayişinin proqramını www.itv.az internet səhifəsindən əldə edə bilərlər. Filmlərə giriş bütün tamaşaçılar üçün pulsuzdur.