Bank Of Baku

“Nə? Harada? Nə vaxt?” intellektual oyunu üzrə Azərbaycan milli komandası breyn-rinq yarışmasında dünya komandasına qalib gəlib

“Nə? Harada? Nə vaxt?” intellektual oyunu üzrə Azərbaycan milli komandası breyn-rinq yarışmasında dünya komandasına qalib gəlib
# 03 sentyabr 2007 10:20 (UTC +04:00)
Bu gün “Nə? Harada? Nə vaxt?” intellektual oyunu üzrə III Millətlərarası Kubok uğrunda yarışların nəticələrinə həsr olunmuş mətbuat konfransı keçirilib. APA-nın xəbərinə görə, mətbuat konfransında Millətlərarası Kubok uğrunda Beynəlxalq Klublar Assosiasiyasının prezidenti Natalya Stosenko, suallar paketinin redaktoru Boris Levin, I Azərbaycan Milli Komandasının kapitanı Balaş Qasımov çıxış edərək, adətən belə intellektual oyunların yalnız televiziya versiyasının hazırlandığını bildiriblər. Azərbaycanda isə bu oyunlar azarkeşlərin və iştirakçıların şahidliyi ilə, onların gözü qarşısında keçirilir. Builki turnirdə dünyanın 20 ölkəsinin 22 komandası iştirak edib. Yarışmanın bağlanış mərasimi sentyabrın 2-də keçirilib. Turnirin qızıl medalını Rusiya, gümüş medalını Almaniya, bürünc medalları isə Türkmənistan və İsrail yığması qazanıb. Balaş Qasımovun kapitanlığı ilə Azərbaycan milli komandası breyn-rinq yarışmasında dünya komandasına qalib gəlib. /APA/
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR