Füzuli rayon Bala Bəhmənli kənd Tarix Diyarşünaslıq Muzeyi Azərbaycan Hərb Tarixi Muzeyinə qədim dövrlərdə istifadə olunan döyüş sənəti nümunələri təqdim edib - FOTO
10 iyun 2008 10:35 (UTC +04:00)
Bakı. Rəşad Süleymanov - APA. Bu gün Füzuli rayon Bala Bəhmənli kənd Tarix Diyarşünaslıq Muzeyi tərəfindən Azərbaycan Hərb Tarixi Muzeyinə qədim dövrlərdə istifadə olunan döyüş sənəti nümunələri təqdim olunub. Bu barədə APA-ya məlumat verən muzeyin müdiri Elçin Əsədovun sözlərinə görə, Hərb Tarixi Muzeyinə təqdim olunmuş əşyalar arasında eramızdan əvvəl II əsrdə sarmatlar tərəfindən istifadə olunmuş ox ucluqları və 13-cü əsrin əvvəllərində monqollara aid ox ucluqları olub. Füzuli Tarix Diyarşünaslıq Muzeyi Muzeyində saxlanılan qədim döyüş eksponatlarının digər nümunələrinin də Hərb Tarixi Muzeyinə verilməsi nəzərdə tutulur: “Zobucuq qəsəbəsi tikilən vaxt oradan çoxlu sayda qədim döyüş sənəti nümunəsi tapılıb. Bunların arasında qədim skiflərə, sarmatlara məxsus döyüş at bəzəkləri, nizə və qılınc, ox atanların istifadə etdikləri xüsusi üzüklər də var”.
Qeyd edək ki, 2004-cü ildən şəxsi muzey kimi fəaliyyət göstərən Bala Bəhmənli Tarix Diyarşünaslıq Muzeyi 2006-cı ildə dövlət statusu alıb. Muzeydə 700-dən artıq tarixi əşya saxlanılır. Muzeydəki ən qədim əşyalar orta tunc dövrünə aiddir və təxminən 4500 yaşı var.
Qeyd edək ki, 2004-cü ildən şəxsi muzey kimi fəaliyyət göstərən Bala Bəhmənli Tarix Diyarşünaslıq Muzeyi 2006-cı ildə dövlət statusu alıb. Muzeydə 700-dən artıq tarixi əşya saxlanılır. Muzeydəki ən qədim əşyalar orta tunc dövrünə aiddir və təxminən 4500 yaşı var.
İncəsənət
Musiqi məktəblərinə şagird qəbulu başlayıb
14:11
6 may 2024
"Titanik" və "Üzüklərin hökmdarı" filmlərində rol alan aktyor Bernard Hill 79 yaşında vəfat edib
19:27
5 may 2024
Heydər Əliyev Fondunun 20 illiyinə həsr olunmuş konsert proqramı təqdim edilib
09:57
5 may 2024
Azərbaycanlı rəssam Cahid Camala həsr olunmuş bədii albomun təqdimatı keçirilib - FOTO - VİDEO
10:00
4 may 2024