Bakı. Cavid Zeynallı – APA. Bakı şəhər Mədəniyyət və Turizm Baş İdarəsinin nəzdində fəaliyyət göstərən Bakı Uşaq Teatrı həftənin şənbə və bazar günləri axşam saatlarında sakinlərin və paytaxtın qonaqlarının asudə vaxtlarının səmərəli və maraqlı təşkili məqsədilə yeni layihəyə start verib.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, indiyədək tamaşaçılara “Ağıllı Tülkü”, “Fidan və Qoğal”, “Danışan Gəlincik” tamaşaları, “İlluziya şou” təqdim olunub, İntiqam Soltanın və Niyaz Qasımovun aparıcılığı ilə əyləncəli oyunlar nümayiş olunub.
Bundan başqa, İntiqam Soltanın quruluşunda “Şrek və Dostları”, Könül Şahbazovanın quruluşunda isə Elçinin əsəri əsasında “Humayın yuxusu”, Arzu Soltanın “Dələduz siçanlar” tamaşaları da nümayiş olunub.
Nazirlikdən əlavə ediblər ki, yay aylarında açıq havada hər həftə sonu, şənbə və bazar günləri 19:00-dan 21:00-dək Səbail rayonunda yerləşən Xaqani bağında (Malakan bağı) teatrın repertuarında olan maraqlı tamaşalar nümayiş etdiriləcək, balacalar üçün müxtəlif əyləncəli oyunlar və şoular təşkil olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
