Azərbaycan Televiziyası, Mədəniyyət kanalı və Azərbaycan radiosunun təşkilatçılığı ilə Ramazan bayramına həsr olunmuş konsert proqramı keçiriləcək.
APA-nın xəbərinə görə, iyunun 25-də Mərdəkan Mədəniyyət Sarayında keçiriləcək konsert saat 18:00-də başlanacaq.
Konsertdə xalq artisti Aftandil İsrafilov, əməkdar artistlər Gülüstan Əliyeva, Almaz Orucova, Təyyar Bayramov, İlkin Əhmədov, ifaçılar Aytən Məhərrəmova, Vəfa Vəzirova, Hüseyn Məlikov, Aşıq Samirə, Azərbaycan Televiziyasının solistləri Mirələm Mirələmov, Kamilə Nəbiyeva, Məmməd Nəcəfov, Almaxanım Əhmədli, Rəvanə Əmiraslanlı, Pərviz Qasımov, “Şirvan” folklor ansamblı və başqaları çıxış edəcəklər.
İfaçıları əməkdar artist Sahib Paşazadənin rəhbərlik etdiyi “Muğam” instrumental ansamblı müşayiət edəcək.
Konsertə giriş sərbəst olacaq.
Tədbirə APA Holdinq informasiya dəstəyi verir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
