İncəsənət

Ana səhifə

İncəsənət

Nəriman Əzimovun xatirə gecəsi keçirilib

06 iyun 2017 13:29 (UTC +04:00)

Azərbaycan Dövlət Filarmoniyasında xalq artisti, tanınmış dirijor Nəriman Əzimova həsr edilmiş tədbir keçirilib.

APA-nın məlumatına görə, tədbir “Mədəniyyət” kanalı, Azərbaycan radiosu və Dövlət Filarmoniyasının birgə təşkilatçılığı ilə gerçəkləşib.

Gecədə çıxış edən “Mədəniyyət” kanalının direktoru Ramil Qasımov dirijorun həyat və fəaliyyətindən danışıb. Bildirib ki, sənətkarın Azərbaycan musiqi mədəniyyətinin inkişafında və dünyada tanıdılmasında əvəzsiz xidmətləri var.

Qeyd edilib ki, görkəmli sənətkar Azərbaycan Televiziyası və Radiosunun Səid Rüstəmov adına Xalq Çalğı Alətləri Orkestrinin bədii rəhbəri və baş dirijoru olmaqla yanaşı, tar və xalq çalğı alətləri orkestri üçün musiqilərin, eləcə də “Xatirə”, “Qayınana əməliyyatı”, “Özəlim - gözəlim” əsərlərinin müəllifidir.

Tədbir sənətkarın xatirəsinə həsr edilmiş konsert proqramı ilə davam edib.

Azərbaycan Televiziyası və Radiosunun Səid Rüstəmov adına Xalq Çalğı Alətləri Orkestrinin müşayiəti ilə konsertdə görkəmli bəstəkarların əsərləri səsləndirilib.

Orkestrin bədii rəhbəri və baş dirijoru, əməkdar artist Faiq Sadıqovdur.