Bakı – APA. Peşəkar Psixologiya Mərkəzinin Uşaq Teatr Klubu «Mənim ilk tamaşam» adlı teatr təşkil edib.
APA-nın məlumatına görə, tamaşada 3-5 yaşlı uşaqlar «Qoğal» nağılının personajlarını canlandırıblar.
Bu cür tədbirin təşkil olunmasında əsas məqsəd uşaqlarda kompleksləri aradan qaldırmaq, özünəinam hissini formalaşdırmaq, liderlik hissini aşılamaqdan ibarət olub. İlk teatr tamaşasında balaca aktyorlar həyəcanlı olsalar da, öz rollarının öhdəsindən peşəkarlıqla gəliblər. Daha sonra tamaşaçı qismində iştirak edən digər istedadlı uşaqlar səhnədə şeir deyib, mahnı oxuyub, rəqs ediblər. Tədbir böyük maraqla qarşılanıb.