ABŞ-ın Missisipi ştatı Azərbaycan ilə ABŞ arasında strateji tərəfdaşlığı dəstəkləyən qətnamə qəbul edib

ABŞ-ın Missisipi ştatı Azərbaycan ilə ABŞ arasında strateji tərəfdaşlığı dəstəkləyən qətnamə qəbul edib
# 02 aprel 2014 04:31 (UTC +04:00)

Azərbaycanın ABŞ-dakı səfirliyindən APA-ya verilən xəbərə görə, sənəddə Azərbaycanın ABŞ üçün strateji əhəmiyyət daşıyan tərəfdaş olduğu və tərəflər arasında 20 ildir ki, bir çox sahədə, o cümlədən enerji təhlükəsizliyi, beynəlxalq terrorçuluğa, narkotiklərə və insan alverinə qarşı mübarizə, kütləvi qırğın silahlarının yayılmaması və s. səmərəli əməkdaşlığın inkişaf etdiyi qeyd olunub.

Qətnamədə həmçinin Azərbaycanın iqtisadi sahədə böyük uğurları vurğulanaraq Bakı-Tbilisi-Ceyhan, Bakı-Tbilisi-Ərzurum boru kəmərləri və Bakı-Tbilisi-Qars dəmir yolu kimi irimiqyaslı və strateji əhəmiyyətli layihələrin təşəbbüskarı olduğu xüsusilə qeyd olunur.

Xatırladaq ki, keçən il Missisipi ştatı Nümayəndələr palatası Xocalı qətliamını tanımışdır.

#
#

ƏMƏLİYYAT İCRA OLUNUR