Bakı-APA. Erməni silahlı bölmələri dünən və bu gecə Ermənistanın İcevan rayonunun Berkaber kəndində yerləşən mövqelərindən Qazax rayonunun Qızılhacılı kəndində yerləşən mövqelərimizi atəşə tutublar.
Azərbaycan Müdafiə Nazirliyinin mətbuat xidmətindən APA-ya verilən xəbərə görə, ermənilər Füzuli rayonunun Aşağı Veysəlli, Cəbrayıl rayonunun Mehdili, Xocavənd rayonunun Kurapatkino kəndləri yaxınlığında yerləşən mövqelərdən də Silahlı Qüvvələrimizin mövqelərini atəşə tutublar.