Bakı. Nicat Mustafayev – APA-Economics. Bu gün «Bakı Fond Birjası» QSC-nin (BFB) Müşahidə Şurasının iclası keçirilib.
Fondan «APA-Economics»ə verilən məlumata görə, iclasda BFB-nin İdarə Heyətinin sədri Emin Əliyevin başqa işə keçməsi ilə əlaqədar işdən azad edilməsi haqqında ərizəsi müzakirə edilib.
Müşahidə Şurasının qərarı ilə səhmdarların ümumi yığıncağı çağırılanadək BFB-nin İdarə Heyəti sədrinin səlahiyyətlərinin icra edilməsi Emin Muradova həvalə edilib. BFB-nin səhmdarlarının ümumi yığıncağının martın 29-da keçirilməsi qərara alınıb.
Qeyd edək ki, Emin Kamran oğlu Muradov 1981-ci ildə anadan olub. O, 1999-2003-cü illərdə Boğaziçi Universitetində menecment və iqtisadiyyat üzrə bakalavr təhsili, 2003-2005-ci illərdə Mərkəzi Avropa Universitetində, 2005-2007-ci illərdə isə Texas Universitetində iqtisadiyyat üzrə magistr təhsili alıb. E.Muradov 2007-ci ildə bank sistemində əmək fəaliyyətinə başlayıb, 2010-cu ildən etibarən isə Qiymətli Kağızlar üzrə Dövlət Komitəsinin tədqiqatlar və bazarın inkişafı şöbəsinə rəhbərlik edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
