Bakı. Ramil Məmmədli - APA. Bakı Şəhər İcra Hakimiyyəti Ədalət Partiyasının ABŞ səfirliyinin binası qarşısında piket keçirməsi ilə bağlı müraciətini cavablandırıb. Partiyanın mətbuat xidmətindən APA-ya verilən məlumata görə, paytaxt rəhbərliyi ABŞ səfirliyinin binası qarşısında etiraz aksiyası keçirilməsini məqsədəuyğun saymayıb.
Qeyd edək ki, ABŞ-ın Dağlıq Qarabağ məsələsində tutduğu qeyri-obyektiv mövqeyə etiraz olaraq Ədalət Partiyası fevralın 1-də saat 12.00-dan 13.00-dək ABŞ-ın Bakıdakı səfirliyi qarşısında 45 nəfərin iştirak edəcəyi piket keçirməyi planlaşdırmışdı.