Bakı. Musa Əhmədov - APA-Economics. Azərbaycan Mərkəzi Bankı avtomatlaşdırılmış informasiya sistemlərinin yaradılması və beynəlxalq standartlar üzrə sertifikatlaşdırılması məqsədi ilə tender elan edir.
"APA-Economics" xəbər verir ki, tender üç - Mərkəzi Bankda Menecment İnformasiya Sisteminin yaradılması, Mərkəzi Bankda bir pəncərə prinsipinə əsaslanan e-CBAR platformasının yaradılması və Mərkəzi Bankın beynəlxalq İSO27001 standartları üzrə sertifikatlaşdırılması lotları üzrə keçiriləcək.
İddiaçılar tenderdə iştirak haqqı kimi Mərkəzi Bankın hesabına 1 və 2-ci lotlar üçün 200 manat, 3-cü lot üzrə isə 100 manat məbləğində vəsait köçürməlidirlər. Xarici iddiaçılar iştirak haqqını ödəniş gününə Mərkəzi Bankın rəsmi məzənnəsi ilə ABŞ dollarında ödəyə bilərlər.
Tender proseduru iyulun 29-da Mərkəzi Bankın inzibati binasında keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
