Bakı. Məlahət Nəcəfova-APA. AŞPA nümayəndələri Rusiya Dövlət Dumasına keçiriləcək seçkiləri müşahidə etməyəcəklər.
APA-nın “RİA Novosti”yə istinadən verdiyi məlumata görə, Rusiya Mərkəzi Seçki Komissiyasının üzvü Vasiliy Lixaçev deyib ki, AŞPA-ya müvafiq dəvət göndərilməyib.
O bununla bağlı siyasi qərarın artıq verildiyini bildirib: “Aydındır ki, onların vaxtı yoxdur və Rusiya nümayəndə heyətinin AŞPA-ya qayıtmasını təmin edə bilməyəcəklər. Fikrimcə, AŞPA ilə təmaslarımızı Dövlət Dumasının yeni tərkibi ilə qaydaya salacağıq”.
MSK rəsmisi bildirib ki, Rusiya seçkiləri müşahidə etmək üçün MDB və ATƏT DTİHB-ə dəvət göndərəcək.