Bakı-APA. Yaponiyanın Kitaküsü şəhərində alüminium zavodunda bir neçə partlayış baş verib.
APA-nın RİA Novosti agentliyinə istinadən verdiyi məlumata görə, partlayışdan sonra ərazidə güclü yanğın başlayıb.
NHK telekanalı hadisə yerinə 16 yanğınsöndürmə briqadasının cəlb edildiyini bildirir. İnsidentin digər təfərrüatları və zərərçəkənlər barədə hələ ki, məlumat verilmir.