Azərbaycan parlamenti “Mədəniyyət haqqında” qanun layihəsini ikinci oxunuşda qəbul edib
02 noyabr 2012 13:13 (UTC +04:00)
Bakı. Pərvin Abbasov - APA. Milli Məclisin iclasında “Mədəniyyət haqqında” qanun layihəsi ikinci oxunuş üçün müzakirə olunub.
APA-nın məlumatına görə, layihə barədə danışan komitə sədri Nizami Cəfərov bildirib ki, son 10 ildə Azərbaycanda mədəniyyət sahəsində köklü dəyişikliklər baş verib, yaradıcı təşkilatların spesifikası dəyişib, xeyli yaradıcılıq uğurları əldə olunub: “Bu, qanunvericilik sahəsində də əsaslı dəyişiklik etməyə vadar edir”.
N.Cəfərov bildirib ki, birinci oxunuşda təqdim olunan layihə kifayət qədər mükəmməl olmadığından dəyişdirilib və ikinci oxunuş üçün təqdim olunan layihə kifayət qədər təkmildir: “Qanun ölkədə mədəniyyət və incəsənət sərvətlərinin yaradılması, qorunması, dirçəlişi, inkişafı və yayılması sahəsində yaranan münasibətləri tənzimləyir. Qanun eyni zamanda mədəniyyət sahəsində insan hüquq və azadlıqları təmin edir, bu sahədə hüquqi, təşkilati, iqtisadi və sosial təminatlarını, mədəniyyət sahəsində dövlət siyasətinin məqsəd və prinsiplərini müəyyən edir. Sənəd 12 fəsil 69 maddədən ibarətdir”.
N.Cəfərov qeyd edib ki, layihə birinci oxunuşdan fərqli olaraq ciddi dəyişiklə işlənib: “İlk layihədə qanun 9 fəsil 44 maddədən ibarət olsa da, ikinci oxunuşda təkmil işlənmədən sonra daha geniş spektri əhatə edib”. Qeyd olunub ki, qanun layihəsində mədəniyyət sahəsində dövlət reyestrinin aparılması öz əksini tapıb. Bu dövlət reyestri sistemi müxtəlif reyestrlər, kataloqlar, uçot sistemləri, dövlət mədəniyyət əmlakının siyahıları, qeydiyyat sistemlərindən ibarətdir. Həmçinin qanun layihəsində mədəniyyət sahəsində dövlət monitorinqinin aparılması öz əksini tapıb. Bildirilib ki, monitorinqlər mədəniyyət sahəsində dövlət siyasətinin həyata keçirilməsinin cari vəziyyəti və mövcud boşluqların müəyyən edilməsi və gələcək siyasət istiqamətlərinin və mədəniyyət siyasəti tədbirlərinin müəyyən edilməsi məqsədi ilə həyata keçirilir.
Müzakirələrdən sonra layihə ikinci oxunuşda səsə qoyularaq qəbul olunub.
APA-nın məlumatına görə, layihə barədə danışan komitə sədri Nizami Cəfərov bildirib ki, son 10 ildə Azərbaycanda mədəniyyət sahəsində köklü dəyişikliklər baş verib, yaradıcı təşkilatların spesifikası dəyişib, xeyli yaradıcılıq uğurları əldə olunub: “Bu, qanunvericilik sahəsində də əsaslı dəyişiklik etməyə vadar edir”.
N.Cəfərov bildirib ki, birinci oxunuşda təqdim olunan layihə kifayət qədər mükəmməl olmadığından dəyişdirilib və ikinci oxunuş üçün təqdim olunan layihə kifayət qədər təkmildir: “Qanun ölkədə mədəniyyət və incəsənət sərvətlərinin yaradılması, qorunması, dirçəlişi, inkişafı və yayılması sahəsində yaranan münasibətləri tənzimləyir. Qanun eyni zamanda mədəniyyət sahəsində insan hüquq və azadlıqları təmin edir, bu sahədə hüquqi, təşkilati, iqtisadi və sosial təminatlarını, mədəniyyət sahəsində dövlət siyasətinin məqsəd və prinsiplərini müəyyən edir. Sənəd 12 fəsil 69 maddədən ibarətdir”.
N.Cəfərov qeyd edib ki, layihə birinci oxunuşdan fərqli olaraq ciddi dəyişiklə işlənib: “İlk layihədə qanun 9 fəsil 44 maddədən ibarət olsa da, ikinci oxunuşda təkmil işlənmədən sonra daha geniş spektri əhatə edib”. Qeyd olunub ki, qanun layihəsində mədəniyyət sahəsində dövlət reyestrinin aparılması öz əksini tapıb. Bu dövlət reyestri sistemi müxtəlif reyestrlər, kataloqlar, uçot sistemləri, dövlət mədəniyyət əmlakının siyahıları, qeydiyyat sistemlərindən ibarətdir. Həmçinin qanun layihəsində mədəniyyət sahəsində dövlət monitorinqinin aparılması öz əksini tapıb. Bildirilib ki, monitorinqlər mədəniyyət sahəsində dövlət siyasətinin həyata keçirilməsinin cari vəziyyəti və mövcud boşluqların müəyyən edilməsi və gələcək siyasət istiqamətlərinin və mədəniyyət siyasəti tədbirlərinin müəyyən edilməsi məqsədi ilə həyata keçirilir.
Müzakirələrdən sonra layihə ikinci oxunuşda səsə qoyularaq qəbul olunub.
Mədəniyyət siyasəti
Şri-Lanka mədəni irsin qorunması üzrə təcrübəsini bölüşməyə hazırdır
19:40
3 may 2024
Nazirlik "Azərbaycanfilm" və Nizami Kino Mərkəzinin AKİ-yə verilməsi təklifinə münasibət bildirib
19:34
3 may 2024
Mədəniyyət naziri İtaliya nümayəndə heyəti ilə görüşüb
18:08
3 may 2024
VI Ümumdünya Mədəniyyətlərarası Dialoq Forumunun Ağdamda xüsusi sessiyası keçirilib
18:04
3 may 2024