Maliyyə

Ana səhifə

Maliyyə

«DəmirBank» xaricdən yeni kredit cəlb edib

27 fevral 2012 12:37 (UTC +04:00)

Bakı. Elnur Hüseynquluyev – APA-Economics. Azərbaycanın «DəmirBank» ASC ilə Hollandiyanın «ASN-Novib Microkredietfonds» investisiya şirkəti arasında 2,5 mln. ABŞ dolları həcmində yeni kredit müqaviləsi imzalanıb.

Bankın baş ofisindən «APA-Economics»ə verilən məlumata görə, müqavilə Hollandiyanın «Triple Jump B.V.» şirkətinin təşkilatçılığı ilə imzalanıb.

Bankın İdarə Heyətinin sədr müavini Yusif Cabbarovun sözlərinə görə, bu müqavilə üzrə cəlb olunan vəsait ölkədə mikro və kiçik sahibkarlığın kreditləşməsinə yönəldiləcək: «DəmirBank» və «ASN-Novib» arasında imzalanan sayca ikinci olan bu müqavilə 2 il müddətinə bağlanıb. Yeni razılaşma da daxil olmaqla ümumilikdə 7,5 mln. ABŞ dolları məbləğində vəsait cəlb olunub».

Xatırladaq ki, «DəmirBank» ASC 1989-cu ildə «Azərdəmiryolbank» adı ilə fəaliyyətə başlayıb. Bankın səhmdarları sırasına Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.