Bakı. Fuad Cəfərov – APA. Bakıda dənizdə batma təhlükəsi ilə üzləşən daha bir nəfər xilas edilib.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Böhran Vəziyyətlərində İdarəetmə Mərkəzinə Bakı şəhəri, Xəzər rayonunda bir nəfərin “Nardaran-1” sularda xilasetmə postundan təxminən 1200 m məsafədə batmaq təhlükəsi ilə üzləşdiyi barədə məlumat daxil olub.
Vətəndaş FHN-in dalğıc-xilasediciləri tərəfindən xilas edilib və aidiyyəti üzrə təhvil verilib.