Bakı. Musa Əhmədov – APA-Economics. Bakı Fond Birjasında Azərbaycan İpoteka Fondunun (AİF) ümumi həcmi 40 mln. manat təşkil edən faizli, adlı, sənədsiz, təmin edilmiş istiqrazlarının 5 mln. manatlıq hissəsinin yerləşdirilməsi üzrə hərrac keçirilib.
AİF-dən “APA–Economics”ə verilən məlumatına görə, istiqrazlar cari qiymətlə satışa çıxarılıb.
Hərracda 3 investor iştirak edib.
Sifarişlərin nominal üzrə ümumi məbləği hərraca təklif olunan həcmi üstələyərək 14,383 mln. manat təşkil edib.
Nəticədə hərraca çıxarılmış həcm tam yerləşdirilib.