Bakı. Ramiz Mikayıloğlu – APA. “Səhər bir neçə məntəqədə olmuşuq. Hər şey əladır. Düşünürəm ki, seçicilərin fəallığı bizim ölkəmizdəkindən daha çoxdur”. APA-nın xəbərinə görə, bunu Avropa Parlamentinin üzvü, Polşa Seyminin sabiq senatoru Jacek Wlayslaw Wlosowicz jurnalistlərə açıqlamasında deyib.
Onun sözlərinə görə, bu cür mənzərəni görmək, insanların marağını müşahidə etmək çox maraqlıdır: “Fikrimcə, hər şey çox yaxşı hazırlanıb. Divarlarda seçicilərin siyahısı asılıb. Digər ölkələrdən də müşahidəçilər var. Hər şey qaydasındadır. Səhər məntəqələr vaxtında açılıb”.