Bakı. Nicat Mustafayev – APA-Economics. Bu ilin sonunadək Azərbaycanın daha bir şirkəti səhmlərinin ilkin yerləşdirilməsini (IPO) həyata keçirəcək. «APA-Economics»in məlumatına görə, bu barədə Qiymətli Kağızlar üzrə Dövlət Komitəsinin sədri Rüfət Aslanlı bildirib.
Onun sözlərinə görə, hazırda bazarda bu tipli yerləşdirmələrə tələbat təklifi üstələyir: «Hazırda Komitə listinq məsləhət proqramı çərçivəsində bir neçə şirkətlə iş aparır ki, bunun məqsədi səhmlərin ilkin ictimai təklif üsulu ilə yerləşdirilməsinin tətbiqidir. Biz bu məsələyə optimist yanaşırıq və çalışacağıq ki, ilin sonunadək IPO-lardan birini bazara çıxaraq».
Qeyd edək ki, hazırda Azərbaycanın təxminən 15 iri şirkəti IPO-ya hazırlaşır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
