APA-nın Fövqəladə Hallar Nazirliyinin (FHN) saytına istinadən verdiyi məlumata görə, FHN-in müvafiq qurumlarının mütəxəssisləri və xilasediciləri dərhal lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Nazirliyin mütəxəssisləri aşkarlanmış sursata baxış keçirib və döyüş sursatının istifadəyə yararlı olan 1 ədəd top mərmisi olması müəyyən edilib.
Mərmi aidiyyəti üzrə təhvil verilib. Xilasedicilər hüquq-mühafizə orqanlarının əməkdaşları ilə birlikdə əraziyə təkrar baxış keçirib və şübhəli əşya aşkarlanmayıb.
***
12:35
Bakı. Hafiz Heydərov - APA. Abşeron rayonunda top mərmisi aşkarlanıb.
Fövqəladə Hallar Nazirliyindən APA-ya verilən məlumata görə, Abşeron rayonu, Aşağı Güzdək qəsəbəsi ərazisində partlamamış top mərmisinin aşkar edilməsi barədə nazirliyə məlumat daxil olub. Daxil olan məlumat əsasında əraziyə əməliyyat qrupu cəlb edilib.