Bakı. Musa Əhmədov - APA-Economics. “Suveren reytinqin aşağı salınması təkcə Azərbaycana aid deyil. Beynəlxalq reytinq agentlikləri tərəfindən bir çox neft hasil edən və yaxud əmtəə ixrac edən ölkələrin müəyyən reytinqləri endirilib”.
“APA-Economics” xəbər verir ki, bunu maliyyə naziri Samir Şərifov deyib.
Nazir reytinqin aşağı salınmasını neftin ucuzlaşması ilə əlaqələndirib: “Təkcə biz deyilik. Bu, təbii bir haldır. Neftin qiymətinin enməsi bu ölkələrin iqtisadiyyatlarına, tədiyyə balansına mənfi təsir göstərir, gəlirlərinin azalmasına səbəb olur. Bu isə reytinqlərin azalmasına səbəb olur. Hesab edirəm ki, vəziyyət sabitləşdikcə, yəni bizim ixracdan daxilolmalarımız artdıqca, o cümlədən ölkə başçısının rəhbərliyi ilə həyata keçirilən islahatlar öz müsbət nəticəsini verdikcə, tədricən əvvəlki reytinq bərpa olunacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
