Döyüş növləri

Ana səhifə

Döyüş növləri

22 taekvondoçumuz İsveçə yollanır

06 fevral 2012 13:40 (UTC +04:00)

Bakı – APA. Azərbaycan taekvondoçuları səfərə hazırlaşırlar. Apasport.az saytının xəbərinə görə, fevralın 11-12-də İsveçdə keçiriləcək XXI “Trelleborq Open” turnirində ölkəmizin şərəfini 22 idmançı qoruyacaq.
Belə ki, Avropa Taekvondo Birliyinin A kateqoriyalı turnirində komandamızı böyüklər arasında Mikayıl Əliyev, Vüsal Məmmədov (hər ikisi 54 kq), Habil Səttarov (58 kq), Ramik Nəzərov (63 kq), Xosrov Əhmədov (74 kq), Fərid Tağızadə (87 kq), Şahrun Yusifova (49 kq), Aygül Abdullayeva və Fərqanə Qurbanova (hər ikisi 53 kq) təmsil edəcəklər. Məşqçilər gənclərdən ibarət heyətə isə Babək Əjdərli, Kənan Tağıyev (hər ikisi 45 kq), Ruslan Abbasov (48 kq), Elmar Bədəlli (51 kq), Ayxan Tağızadə (55 kq), Pərvin Əliyev (59 kq), Nicat Əliyev (68 kq), Vladislav Subbotin (73 kq), Elnur Məhərrəmov (78 kq), Seyidəzim Bədirxanlı (+78 kq), Zümrüd Məlikova (42 kq), Nərminə Məmmədova (44 kq) və Təranə Məmmədovanı (46 kq) daxil ediblər.
İsveçə yollanacaq heyətə məşqçilərdən koreyalı mütəxəssis Con Conqbay, gənclərdən ibarət seçmə komandanın baş məşqçisi Gündüz Abdullayev və yeniyetmələrdən ibarət yığmamızı çalışdıran Məmməd Abdullayev rəhbərlik edəcəklər.
Qeyd edək ki, fevralın 9-da səfərə yola düşəcək komandamız Vətənə ayın 13-də dönəcək.