USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İnfrastruktur

Ana səhifə

İnfrastruktur

Azərbaycanda «Transmilli Avrasiya yüksək sürətli informasiya magistralı» mövzusunda Regional Nazirlər Toplantısı keçirilib - YENİLƏNİB

Azərbaycanda «Transmilli Avrasiya yüksək sürətli informasiya magistralı» mövzusunda Regional Nazirlər Toplantısı keçirilib - <font color=red>YENİLƏNİB</font>

11 noyabr 2008 13:30 (UTC +04:00)

«APA-Economics»in məlumatına görə, iclasda çıxış edən Azərbaycanın rabitə və informasiya texnologiyaları naziri Əli Abbasov bildirib ki, «Transmilli Avrasiya yüksək sürətli informasiya magistralı Layihəsi»nin həyata keçirilməsində əsas məqsəd regionlararası informasiya boşluğunun aradan qaldırılmasıdır.
Nazirin sözlərinə görə, artıq həmin regionda müəyyən qədər inkişafa ehtiyac duyulur. Təxminən bir il əvvəl beynəlxalq qurumlar tərəfindən müzakirə edilməyə başlanılan layihənin həyata keçirilməsi nəticəsində İnternetə keyfiyyətli və ucuz qiymətlərlə çıxış təmin olunacaq, elektron resurslar inkişaf edəcək və regional elektron baza yaranacaq. Bu isə rəqəmsal iqtisadiyyatın inkişafı sahəsində mühüm rol oynayacaq.
«Transmilli Avrasiya yüksək sürətli informasiya magistralı Layihəsi»ni hazırlayan «Booz&Co» məsləhətçi şirkətinin vitse-prezidenti Rayner Bernat isə «Dünyaya bağlanma – regional yüksək sürətli informasiya magistralı üçün təklif» mövzusunda təqdimatla çıxış edib.
R.Bernatın sözlərinə görə, İKT sektorunda dəyişikliyin baş verməsi üçün bu sahəyə böyük həcmdə sərmayə yatırılmalıdır: «Bu şəbəkənin yaradılması üçün işçi model hazırlanmalı, iqtisadi mümkünlük olmalıdır. Bundan başqa, bir sıra ölkələr bu şəbəkənin yaradılması təşəbbüsü ilə çıxış etməlidir. Bu şəbəkənin yaradılması üçün sərmayə qoyularsa, çıxış imkanı artacaq».
Tədbirin sonunda iştirakçı 17 ölkə tərəfindən Bakı Bəyannaməsi qəbul olunub. Qərara alınıb ki, layihənin reallaşdırılması məqsədi ilə işçi qrupu yaradılsın. İşçi qrupu yaxın zamanlarda təkliflər hazırlayaraq iştirakçı dövlətlərin hökumətlərinə göndərəcək.
Xatırladaq ki, noyabrın 11-14-də Bakıda Böyük Britaniyanın «İTE Croup» sərgi şirkəti və onun Qafqazdakı tərəfdaşı «İteca Caspian» şirkətinin təşkilatçılığı ilə XIV Azərbaycan Beynəlxalq Telekommunikasiya və İnformasiya Texnologiyaları Sərgisi (BakuTel-2008) keçirilir. Sərgi çərçivəsində təkil olunan Regional Nazirlər Toplantısının keçirilməsində məqsəd Azərbaycan daxil olmaqla, Bolqarıstandan Pakistanadək regionda yüksək sürətli informasiya magistralının yaradılması və onun dünya informasiya magistralına birləşdirilməsidir. Sərgi çərçivəsində noyabrın 12-də Azərbaycan-İsrail, Azərbaycan-Estoniya seminarları, Azərbaycan-Kaliforniya biznes forumu keçiriləcək.
«İteca Caspian» şirkətinin Bakıdakı baş ofisindən bildirilib ki, «BakuTel-2008» sərgisində ABŞ, Fransa, Almaniya, Türkiyə, İsrail, Rusiya, Çin və s. daxil olmaqla, 21 ölkədən 105 şirkət iştirak edir. Noyabrın 14-də tamamlanacaq sərgi iştirakçılarının 40%-i yerli şirkətlərdir.

İDMAN XƏBƏR