USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İnfrastruktur

Ana səhifə

İnfrastruktur

Oktyabrda Azərbaycanın təkrar avtomobil bazarında aktivlik əvvəlki aylara nisbətən artıb

12 noyabr 2008 09:58 (UTC +04:00)

Bakı. Rəşad Süleymanov – APA-Economics. Cari ilin oktyabr ayında Bakı şəhərinin təkrar avtomobil bazarında aktivlik əvvəlki aylara nisbətən yüksəlib. Təklif üzrə oktyabrda baş verən artım bu ilin may ayında qeydə alınan 17,3%-lik artımı üstələyərək 20%-ə çatıb. Bu barədə «APA-Economics»ə «Əmlak Bazarı İştirakçıları» İctimai Birliyindən məlumat verilib.
Oktyabrda təkliflə yanaşı tələbdə də artım qeydə alınıb (4,5%). Ay ərzində satış mərkəzlərinə müraciət edənlərin sayında da artım müşahidə olunub ki, bu da öz növbəsində bağlanan əqdlərin çoxalmasına (5,2%) təsir edib. Lakin buna baxmayaraq, ay ərzində bazarda orta qiymət dəyişməz qalıb və 21 min ABŞ dollarına bərabər olub.
Ötən ay avtomobillərin ekspozisiya müddəti daha 2 gün artaraq 66 günə çatıb. Buna müvafiq risk dərəcəsi artıb və əmlakın bu növü üzrə likvidlik dərəcəsi nisbətən aşağı düşüb. Bütün bunlar isə tədricən rəqabətə davam gətirə bilməyən xırda alverçilərin bazardan çıxmasına təsir göstərməkdə davam edir.
Oktyabr ayında təkrar avtomobil bazarında araşdırma predmeti olan 6 minə qədər avtomobilin cəmi 40%-ə qədəri bazara məhz oktyabr ayında çıxarılıb. Qalan 60%-i isə əvvəlki aylardan qalan avtomobillərdir.
İki ildən artıqdır ki, təkrar bazarda liderliyi böyük fərqlə əldə saxlayan məşhur alman markası - «Mercedes-Benz»in təklif üzrə payında son 8 ayda qeydə alınan 12,8%-lik geriləmə oktyabrda artımla əvəz olunub (1,5%). Ümumilikdə «Mercedes»in təklif portfelində payı 34,7%-ə bərabərdir (ilin əvvəlində bu göstərici 46%-dən artıq olub). Araşdırmalar göstərir ki, son vaxtlar alıcıların əksəriyyəti ili yeni olan avtomobillərə üstünlük verməyə başlayıb. Bu səbəbdən, artıq 1990-1998-ci illərin istehsalı olan «Mercedes» markalı avtomobillərə tələb xeyli azalıb.
İkinciliyi saxlayan BMW-nin təklif üzrə payı dəyişməz qalıb, «Opel» isə ilk üçlüyü qapayır (7,8%). Sonrakı yerləri «Toyota» (6,7%), «Hyundai» (5,7%), Nissan (3,3%), «Mitsubishi» (3,6%), «Volkswagen» (2,8%) tuturlar. Rusiya istehsalı olan VAZ avtomobillərinin təkrar bazardakı təklif üzrə payı 7,1%-dən 4,6%-ə enib. Ümumilikdə, bu 9 markanın təklif üzrə payı 82,5% təşkil edib. Qalan 17,5% isə 20-dən artıq şirkətin istehsalı olan 85-ə yaxın avtomarka arasında bölünür.
Araşdırmanın digər bir seqmenti olan avtomobillərin ban tipinə gəldikdə isə son ayların araşdırmaları bazarda «Ofrouder» tipli avtomobillərə maraq göstərənlərin sayının artdığından xəbər verir. Xüsusilə də qış aylarının yaxınlaşması nəticəsində bazarda bu seqmentə maraq bir qədər də artıb (26,2%). Son ayların araşdırmalarına əsasən, artıq ilkin bazardakı alıcıların təxminən 1/3-i «ofrouder»ə maraq göstərir. Bu tipin alıcıları ümumi alıcıların 26%-dən çoxunu təşkil edir.

İDMAN XƏBƏR