İnfrastruktur

Ana səhifə

İnfrastruktur

Azərbaycanda son bir ildə alınmış torpaq sahələrinə mülkiyyət hüququ verilməyəcək

14 yanvar 2009 10:48 (UTC +04:00)

Bakı. Rəşad Süleymanov – APA-Economics. Azərbaycanda 2007-ci ilin dekabr ayının 1-dən sonra vətəndaşlara bələdiyyələr və icra hakimiyyətləri tərəfindən satılmış torpaq sahələrinə mülkiyyət hüququ verilməyəcək. «APA-Economics»in məlumatına görə, bunu Dövlət Torpaq və Xəritəçəkmə Komitəsinin sədri Qərib Məmmədov bildirib.
Q.Məmmədovun sözlərinə görə, «Torpaq icarəsi haqqında» və «Torpaq bazarı haqqında» qanunlara əsasən, torpaq sahələrinin bilavasitə icarəyə və mülkiyyətə verilməsi ilə yanaşı hərraclar və müsabiqələr vasitəsi ilə ayrılmasının nəzərdə tutulmasına baxmayaraq, yerli icra hakimiyyətləri və bələdiyyələr indiyədək yalnız torpaqların bilavasitə ayrılmasına üstünlük verib: «Müvafiq qanunvericiliyə uyğun olaraq, hərrac və müsabiqələrin təşkili ilə bağlı Dövlət Komitəsinə müraciət olunmadığından həmin torpaqların mülkiyyətə verilməsi qeyri-qanuni sayılır və onlara sənəd verilmir. Buna görə cavabdehliyi isə həmin torpaqları satan təşkilatlar daşıyır».
Q.Məmmədovun sözlərinə görə, DTXK səlahiyyətləri çərçivəsində 2001-ci ildən indiyədək torpaq qanunvericiliyinin pozulması ilə bağlı 4 927 fakt aşkarlayıb. Bunun bir qismi materiallar araşdırılmaq üçün hüquq-mühafizə orqanlarına göndərilib.