İnfrastruktur

Ana səhifə

İnfrastruktur

Azərbaycanda yaşayış mənzillərinin təxminən 70%-i artıq özəlləşdirilib

23 yanvar 2009 09:09 (UTC +04:00)

Bakı. Nicat Mustafayev – APA-Economics. Azərbaycanda özəlləşdirmə prosesi başlanandan 2009-cu ilin əvvəlinə kimi ümumi sahəsi 22,8 mln. kv. metr olan 417,1 min mənzil özəlləşdirilib. Bu isə özəlləşdirilməsi nəzərdə tutulan ümumi mənzil fondunun 68,8%-nə bərabərdir.
Dövlət Statistika Komitəsindən «APA-Economics»ə verilən məlumata görə, 2008-ci ildə Azərbaycan əhalisi tərəfindən ümumi sahəsi 865,2 min kv. metr olan 13 min mənzil özəlləşdirilib. Mənzillərin 7,5 mini (57,8%-i) Bakı şəhərinin sakinləri tərəfindən özəlləşdirilib.
Aşağıdakı cədvəldə respublika üzrə yaşayış mənzillərinin illər üzrə özəlləşdirilməsi prosesinin gedişi göstərilir:

İl	Özəlləşdirilmiş mənzillərin sayı, min mənzil	Özəlləşdirilmiş mənzillərin ümumi sahəsi, min kv. metr
1990	8,0	409,2
1991	14,7	718,5
1992	20,5	1 175,8
1993	32,1	1 681,7
1994	44,0	2 044,9
1995	48,5	2 450,6
1996	42,0	2 302,3
1997	41,6	2 210,8
1998	26,7	1 485,7
1999	16,1	892,5
2000	13,2	730,6
2001	13,7	764,9
2002	13,7	801,7
2003	12,5	724,7
2004	14,6	869,9
2005	16,2	1 015,3
2006	11,4	726,9
2007	14,6	928,7
2008	13,0	865,2

Cədvəldən görünür ki, mənzillərin sayına görə özəlləşdirmə daha fəal 1995-ci ildə (48,5 min mənzil və ya 2 450,6 min kv. metr) aparılıb. Ən minimal göstərici isə 1990-cı ildə (8 min mənzil və ya 409,2 min kv. metr) qeydə alınıb. Son 10 il ərzində isə yalnız 2005-ci ildə özəlləşdirilən yaşayış mənzillərinin sahəsi 1 mln. kv. metr həddini keçərək 1 015,3 min kv. metr (16,2 min mənzil) təşkil edib.
Aşağıdakı qrafikdə isə mənzillərin özəlləşdirilməsi prosesinin illər üzrə dinamikası göstərilir: