İnfrastruktur

Ana səhifə

İnfrastruktur

Azərbaycanın üç əsas şəhərində ötən il 60,3 mindən artıq daşınmaz əmlak üzərində hüquqların qeydiyyatı aparılıb

23 yanvar 2009 14:58 (UTC +04:00)

Bakı. Rəşad Süleymanov – APA-Economics. Ötən il Bakı şəhərində 45 376, Sumqayıt şəhərində 7 890, Gəncə şəhərində isə 7 043 daşınmaz əmlak üzərində hüquqların qeydiyyatı aparılıb. Bu barədə «APA-Economics»ə Daşınmaz Əmlakın Dövlət Reyestri Xidmətindən (DƏDRX) məlumat verilib.
İl ərzində üzərində hüquqlar ilk dəfə qeydiyyata alınan əmlakların ümumi sayı Bakıda 14 714, Sumqayıtda 3 944, Gəncədə isə 2 688 olub. Ötən il Bakıda həm ilkin, həm də təkrar qeydiyyatı aparılan daşınmaz əmlak obyektlərindən 6 307-si fərdi yaşayış və bağ evi, 28 632-si mənzil, 7 487-si torpaq sahəsi, 133-ü qeyri-yaşayış binası, 2 638-i qeyri-yaşayış sahəsi, 173-ü əmlak kompleksi, 6-sı çoxmərtəbəli yaşayış binasıdır.
Sumqayıt şəhərində bu dövrdə 1 040 fərdi yaşayış və bağ evi, 5 136 mənzil, 1 437 torpaq sahəsi, 171 qeyri-yaşayış binası, 98 qeyri-yaşayış sahəsi, 8 əmlak kompleksi kimi müəssisə üzərində hüquqların qeydiyyatı aparılıb.
Gəncə şəhərində isə il ərzində həm ilkin, həm də təkrar bazar üzrə üzərində hüquqların qeydiyyatı aparılan daşınmaz əmlak obyektlərinin 3 022-si fərdi yaşayış və bağ evi, 3 403-ü mənzil, 363-ü torpaq sahəsi, 145-i qeyri-yaşayış binası, 67-si qeyri-yaşayış sahəsi, 43-ü isə əmlak kompleksi kimi müəssisə olub.