İnfrastruktur

Ana səhifə

İnfrastruktur

Azərbaycan Dövlət Sərhəd Xidməti müxtəlif avtomobil texnikasının alınması üçün tender keçirir

27 yanvar 2009 08:19 (UTC +04:00)

Bakı. Rəşad Süleymanov – APA-Economics. Azərbaycan Dövlət Sərhəd Xidməti (DSX) 2009-cu ilin tələbatı üçün müxtəlif markalı avtomobil texnikalarının satın alınması məqsədi ilə tender elan edib. Bu barədə «APA-Economics» DSX-nın Tender Komissiyasından məlumat verilib.
Tender dörd lot üzrə keçirilir. İştirak haqqı I lot (yük avtomobilləri) üzrə 800 manat, II lot (xüsusi avtomobillər) üzrə 1100 manat, III lot (sərnişin avtobusları) üzrə 280 manat, IV lot (kənd təsərrüfatı texnikası, yük daşıyan qoşqu və evakuatorlar) üzrə 250 manat təşkil edir.
Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdır. İddiaçılar tenderdə iştirak etmək üçün sənədləri (tender təklifi, bank zəmanəti və iş qrafiki istisna olunmaqla) martın 2-dək, tender təklifi, bank zəmanəti və iş qrafikini isə möhürlənmiş zərfdə martın 9-dək Tender Komissiyasına təqdim etməlidir. Tender təkliflərinin qiymətləndirilməsinə isə martın 10-da başlanılacaq.
Müsabiqədə iştirak etmək istəyənlər iştirak haqqını ödəməklə əsas şərtlər toplusunu DSX-nın Bakı şəhəri, Z.Əliyeva küçəsi,30 ünvanında yerləşən inzibati binasından əldə edə bilərlər. Əlaqə telefonu: (+994 12) 498 01 36.