İnfrastruktur

Ana səhifə

İnfrastruktur

«Ultel» şirkəti İnternet xidmətilərinə tarifləri endirib

02 fevral 2009 08:54 (UTC +04:00)

Bakı. Aynur Vəliyeva – APA-Economics. «Ultel» Azərbaycan-Türkiyə İnternet provayderi bu ilin fevral ayının 1-dən etibarən genişzolaqlı İnternet xidmətilərinin tariflərində dəyişikliklər tətbiq edib.
«Ultel» şirkətinin Bakıdakı baş ofisinldən «APA-Economics»ə verilən məlumata görə, bütün tarif paketlərində sürət, trafik hesablı paketlərdə isə həmçinin əvvəlcədən ödənilmiş trafikin həcmi 2 dəfə artırılıb. Bundan başqa, trafik hesablı paketlərdə hər əlavə 1 Mb trafikin qiyməti 2 dəfə endirilib. Mövcud istifadəçilərin sürətində dəyişikliklər bu həftə ərzində aparılacaq.
Bununla yanaşı, İnternet istifadəçiləri üçün yeni kampaniyaya start verilib. Belə ki, ADSL xidməti üzrə trafik hesabı ilə xidmət göstərilən istifadəçilərin sürəti və əvvəlcədən ödədikləri trafikin həcmi, həmçinin məhdudiyyətsiz İnternet alan istifadəçilərin sürəti 50% artırılıb.
Kampaniya müddəti ərzində limitsiz ADSL xidmətlərinin aylıq abunə haqqı sürətdən asılı olaraq (192/192 Kb/s-dən 6144/1024 Kb/s-dək) 25 manatdan 800 manatadək, gecə saatlarında 15 manatdan 400 manatadək təşkil edəcək. Kampaniya müddətində İnternetə qoşulma sürəti trafik hesablı ADSL xidmətləri üzrə aylıq abunə haqqı sürətdən asılı olaraq (384/384 Kb/s-dən 6144/1024 Kb/s-dək) 9/12 manatdan 192 manatadək, ödənilmiş limitsiz trafikin həcmi 3 Gb-dən 90 GB-dək təşkil edəcək.
Yeni kampaniya çərçivəsində zəmanətli İnternet növündə trafik hesabı ilə xidmət alan istifadəçilərin sürəti və əvvəlcədən ödədikləri trafikin həcmi, həmçinin məhdudiyyətsiz İnternet alan istifadəçilərin sürəti 50% artırılıb.
Zəmanətli İnternet xidmətləri digər ATS-lərin ərazisində göstərildiyi halda, 48 manat qoşulma və 12 manat aylıq abunə haqqı əlavə alınır.
Trafik hesabı ilə 1024 Kb/s və məhdudiyyətsiz rejimdə 512 Kb/s sürətdən yuxarı sürətlərdə göstərilən zəmanətli İnternet xidmətinin tarifləri istifadəçi ilə fərdi qaydada razılaşdırdıqdan sonra müəyyən edilir.
Qeyd edək ki, ADSL xidməti ATS-490/496, ATS-465, ATS-436, ATS-424, ATS-493/498/598, ATS-561/562/563, ATS-566/567 və ATS-514 abunəçiləri üçün göstərilir.
Kampaniyada birdəfəlik qoşulma haqqı alınmır, istifadəçinin ünvanında qoşulan standarta uyğun avadanlıq dəsti (modem, splitter və s.) onun öz vəsaiti hesabına alınır. İstifadəçinin ünvanında qoşulan (ADSL və ayrılmış xətt üçün) nəzərdə tutulan «Huawei SmartAX MT800» tipli avadanlıq dəstinin qiyməti 56 manatdır.