İnfrastruktur

Ana səhifə

İnfrastruktur

«SuperOnline» şirkəti İnternet xidmətinin tariflərini iki dəfə endirib

02 fevral 2009 12:32 (UTC +04:00)

Bakı. Aynur Vəliyeva – APA-Economics. Azərbaycan «SuperOnline» İnternet provayderi «SuperADSL» xidməti üzrə bütün tariflərini endirib. Şirkət endirimi sürətin iki dəfə artırılması vasitəsi ilə həyata keçirib. Qeyd edək ki, hazırda provayder dörd tarif paketi üzrə («Bronze», «Silver», «Gold», «Platinum») xidmət göstərir.
«SuperOnline» şirkətindən «APA-Economics»ə verilən məlumata görə, ev istifadəçiləri və kiçik şirkətlər üçün nəzərdə tutulan «Bronze» tarif paketi üzrə 1-5 kompüterin 128 Kbit/s-dən 6 000 Kbit/s-dək sürətlə İnternetə qoşulmanın qiyməti 27 manatdan 677 manatadək dəyişir.
«Silver» paketi 6-10 kompüterdən ibarət şəbəkəyə malik olan orta müəssisələr üçün nəzərdə tutulub: bu tarif üzrə 128 Kbit/s-dən 6 000 Kbit/s-dək sürətlə İnternetə qoşulmanın qiyməti 36-903 manat təşkil edir.
«Gold» paketi 10-dan artıq kompüterdən ibarət şəbəkəyə malik olan iri müəssisələr üçün nəzərdə tutulub: bu tarif üzrə 128 Kbit/s-dən 6 000 Kbit/s-dək sürətlə İnternetə qoşulmanın qiyməti 54-1354 manatdır.
«Platinum» paketi 20-dən çox kompüterdən ibarət şəbəkəyə malik olan İnternet-klub və kafelər üçün nəzərdə tutulub: bu tarif üzrə 128 Kbit/s-dən 6 000 Kbit/s-dək sürətlə İnternetə qoşulmanın (mütəmadi sürət zəmanəti verir) qiyməti 108-2708 manat təşkil edir.
«ADSL 2+» texnologiyası üzrə yüksəksürətli İnternetə qoşulma imkanı 493/498/598, 492/497/437, 440/441/449, 438/439/510/537, 494/495/596/597, 561/562/563, 514/566/567, 432/433/434, 430/431/530, 513/560/568/569, 564/565, 491, 502 ATS-lərinin və «Caspian Plaza», «Caspian Business Center», «Landmark» biznes mərkəzlərinin abunələçiləri üçün mümkündür.