İnfrastruktur

Ana səhifə

İnfrastruktur

«Nar Mobile»ın «BəxtəvərSən» lotereyasının sonuncu tirajı keçirilib

02 fevral 2009 14:33 (UTC +04:00)

Bakı. Aynur Vəliyeva – APA-Economics. Azərbaycanın üçüncü mobil rabitə operatoru olan «Azerfon» şirkəti («Nar Mobile» ticarət nişanı) tərəfindən «BəxtəvərSən» lotereyasının VIII tirajı keçirilib.
«Azerfon» şirkətinin baş ofisindən «APA-Economics»ə verilən məlumata görə, lotereyanın əsas qaliblərinə «Honda CR-V» avtomobili və 50 min manatlıq uduş verilib.
Bununla yanaşı, ötən həftə ərzində Dəqiqə və ya SMS sifariş edən ən aktiv iştirakçılar «Nar Mobile»dan 5 ədəd «Toshiba» noutbuku, 10 ədəd «Nokia E71» və 50 ədəd «Qızıl Nar» nömrə qazanıblar.
Abunəçilər 30 dəqiqə və ya 30 SMS sifariş etməklə lotereyada iştirak ediblər. Qeydiyyatdan keçmək üçün abunəçi D və ya S yazaraq, 737 nömrəsinə sifariş göndərməli idilər. Sifarişin qiyməti 1 manat təşkil edirdi. «BəxtəvərSən» lotereyasında qeydiyyatdan keçərkən bütün iştirakçılar hər bazar canlı teleefirdə oynanılan «Honda CR-V» avtomobilinin və ya 50 min manatlıq uduşun sahibi olmaq imkanı qazanıblar.
Xatırladaq ki, GSM operatoru olan «Azerfon» şirkətinə mobil rabitə xidmətləri göstərməsi üçün Azərbaycan Rabitə və İnformasiya Texnologiyaları Nazirliyi tərəfindən 2005-ci ilin dekabrın 30-da lisenziya verilib. Şirkət kommersiya fəaliyyətinə 2007-ci ilin martın 21-də başlayıb. Hazırda şirkətin 1 milyondan artıq abunəçisi var.