İnfrastruktur

Ana səhifə

İnfrastruktur

Azərbaycan Müdafiə Nazirliyi «InterWrite Learning» avadanlığı alıb

12 fevral 2009 09:10 (UTC +04:00)

Bakı. Rəşad Süleymanov – APA-Economics. Azərbaycan Müdafiə Nazirliyi ixtisaslaşdırılmış tədris müəssisələri üçün 40 dəst «InterWrite Learning» interaktiv prezentasiya avadanlığı alıb. Bu barədə «APA-Economics»ə İKT İnformasiya Mərkəzindən məlumat verilib.
Qeyd edək ki, rahat istifadə məqsədilə sözügedən texnologiyanı yaratmış «eInstruction» şirkəti «InterWrite Learning» proqram təminatını Azərbaycan dilinə tərcümə edir. «eInstruction» şirkətində hesab edirlər ki, proqram təminatının lokallaşdırılması «InterWrite Learning» məhsulunu Azərbaycanda daha da geniş istifadə etməyə imkan verəcək.
Bu günədək dünya üzrə 220 mindən çox lövhə və 250 mindən çox planşet satılıb.
Azərbaycanda «InterWrite Learning» texnologiyası «Bakutel-2008» və «Karyera və Təhsil-2008» beynəlxalq informasiya texnologiyaları sərgilərində eksklüziv distribütor olan «Sinam» şirkətinin stendində nümayiş olunub.
«InterWrite Learning» avadanlığı aşağıda sadalananları daxil edir: «InterWrite Board» interaktiv lövhə, «InterWrite Pad» interaktiv simsiz planşet, monitor və «InterWrite Panel» rəqəmsal planşetin funksiyalarını özündə birləşdirən interaktiv maye-kristallı displey, «InterWrite Cricket» interaktiv sorğu sistemi, «InterWrite Software» proqram təminatı.