İnfrastruktur

Ana səhifə

İnfrastruktur

Azərbaycanda 6700 məktəb müəllimi və pedaqoji institut tələbəsi «Gələcək üçün təhsil» proqramının məzunu olub

17 fevral 2009 10:40 (UTC +04:00)

Bakı. Aynur Vəliyeva – APA-Economics. Azərbaycanda «İntel» şirkəti və Təhsil Nazirliyi tərəfindən 2007-2008-ci illərdə həyata keçirilən «Gələcək üçün təhsil» proqramının 6700 məktəb müəllimi və pedaqoji institut tələbəsi məzun olublar.
İKT Mərkəzindən «APA-Economics»ə verilən məlumata əsasən, proqramın əsas məqsədi müəllimlərin innovasiyalı tədris texnologiyalarını mənimsəməsi və məktəblərdə kompüter və İnternetdən səmərəli istifadə etməsi üçün şərait yaratmaqdır.
Proqram çərçivəsində 2008-ci ilin sonunda Azərbaycanda 45 məktəb, 1 kollec, 3 universitet və Bakının Müəllimlərin Təkmilləşdirilməsi İnstitutu iştirak edib. İki tədris ili ərzində Bakı, Sumqayıt, Lənkəran və Zaqatalada 650-yə yaxın treninq keçirilib.
Müstəqil araşdırma göstərir ki, proqramda iştirak edənlərin 98%-ı treninqlərin məzmununu və keyfiyyətini müsbət qiymətləndirir və sözügedən proqramı öz həmkarlarına da tövsiyə edirlər. İştirakçıların əksəriyyəti (80-90%-i) hesab edir ki, treninq pedaqoji fəaliyyətdə istifadə oluna biləcək üsulları öyrədir və kompüter texnologiyalarının tətbiqinin faydasını nümayiş etdirir.