İnfrastruktur

Ana səhifə

İnfrastruktur

«AzEuroTel» rəqəmli televiziya xidmətlərinə tarifləri endirib

11 mart 2009 08:32 (UTC +04:00)

Bakı. Aynur Vəliyeva – APA-Economics. «AzEuroTel» Birgə Müəssisəsi (BM) rəqəmli televiziya (AET-IP-TV) xidmətlərinin tariflərində endirim tətbiq edib.
Şirkətin baş ofisindən «APA-Economics»ə verilən məlumata əsasən, yeni tariflərə uyğun olaraq, televiziya proqramları paketi üzrə aylıq abunə haqqı 12 manat təşkil edib.
«AET Comfort» paketi üzrə aylıq abunə haqqı 24 manat, İnternet resursunun əlavə hər 1 Mb üçün qiyməti 0,008 manat təşkil edir. «AET Comfort» paketinə televiziya proqramları paketi (İP-TV) və 3 Qb həcmdə yüksəksürətli İnternet daxildir.
Xatırladaq ki, mart ayının əvvəlindən etibarən şirkət yüksək sürətli və böyük həcmli trafiklə tarif paketlərini təqdim edir.
Bundan başqa, 1 Gb trafikin qiyməti bütün sürətlərdə iki dəfə azaldılıb və hazırda 5 manat təşkil edir. İnternetə ADSL texnologiyası ilə məhdudiyyətsiz çıxışın qiyməti isə 75% endirilib.
Qeyd edək ki, «AzEuroTel» BM 1995-ci ildə Azərbaycan Rabitə Nazirliyi və Böyük Britaniyanın «LUKoil Europe Ltd.» şirkəti tərəfindən yaradılıb. «AzEuroTel» şirkəti Britaniyanın «GRT Ltd.» şirkətinin «System X» texnologiyası əsasında qurulan müasir rəqəmli 492/497/437 ATS-lərin operatorudur.