İnfrastruktur

Ana səhifə

İnfrastruktur

«AJ Group» konsaltinq şirkəti Azərbaycanda fəaliyyətə başlayıb

11 mart 2009 12:44 (UTC +04:00)

Bakı. Nicat Mustafayev – APA-Economics. Daşınmaz əmlak sahəsində konsaltinq xidmətləri göstərən Birləşmiş Ərəb Əmirliklərinin «AJ Group» şirkətlər qrupu Azərbaycanda fəaliyyətə başlayıb.
Şirkətdən «APA-Economics»ə verilən məlumata görə, «AJ Group»un Azərbaycan bazarına çıxmasının əsas məqsədi yerli investorlar üçün dünyanın ən prestijli və inkişaf etmiş regionlarının birində - BƏƏ-də daşınmaz əmlak üzrə ən sərfəli təklifləri ilkin mənbədən əldə etmək imkanının təqdim edilməsindən ibarətdir.
Şirkət Dubayda ofis, apartament və biznes-premium sinifli villaları almaq istəyən Azərbaycan investorlarına müxtəlif qiymətlərlə satılan hazır daşınmaz əmlak üzrə sərfəli təkliflər təqdim edir. Belə ki, «AJ Group» Azərbaycan bazarında 50% endirimlə Dubayın ən yaxşı daşınmaz əmlaklarını təqdim edir.
«Dünyada baş verən iqtisadi proseslərin Dubayın daşınmaz əmlak bazarına təsiri nəticəsində, orada investisiya yatırmaq üçün unikal şərait yaranıb və qiymətlər olduqca endirilib. Artıq bu gün Dubayın ən yaxşı rayonlarında 145 min ABŞ dollarından başlayaraq müxtəlif qiymətlərlə hazır daşınmaz əmlak almaq olar», - deyə ərəb şirkətidən bildirilib.
Bundan başqa, «AJ Group»un təqdim etdiyi xidmətlərdən biri də Dubayda yerləşən daşınmaz əmlaklar üzrə VİP-turların təşkil edilməsidir. Bununla belə, əgər müştəri VİP-tur bitəndən sonra Dubayda daşınmaz əmlak alarsa, bu zaman şirkət VİP-tur ilə əlaqədar bütün xərcləri öz üzərinə götürür. «AJ Group» tərəfindən təqdim edilən daşınmaz əmlak azad iqtisadi zona və «freegold» statusundan irəli gələn üstünlüklərdən bəhrələnməyə imkan verir.
«AJ Group» həmçinin beynəlxalq standartlara uyğun əmlakın qiymətləndirilməsi üzrə xidmətlər göstərir.
Qeyd edək ki, «AJ Group» şirkətlər qrupu səkkiz ildən çoxdur ki Dubayda yerləşən daşınmaz əmlak üzrə konsaltinq xidmətləri göstərir. Şirkət daşınmaz əmlakın alınması, satılması və icarəsi, daşınmaz əmlak məsələləri üzrə hüquqi məsləhətlər, daimi yaşayış icazəsinin əldə edilməsi üzrə məsləhətlər, böhranlı vəziyyətlərinin həlli, həmçinin şirkətin açılması üçün məsləhətlər kimi xidmətlər göstərir.