Bank Of Baku

«Bakcell» bonus kampaniyasının müddətini uzadıb

«Bakcell» bonus kampaniyasının müddətini uzadıb
# 13 mart 2009 11:15 (UTC +04:00)
Bakı. Aynur Vəliyeva – APA-Economics. Azərbaycanın ilk mobil rabitə operatoru olan «Bakcell» şirkəti abunəçilərə təqdim etdiyi bonus kampaniyasının müddətini uzadıb.
Şirkətin baş ofisindən «APA-Economics»ə verilən məlumata əsasən, müddəti martın 31-dək uzadılan kampaniya çərçivəsində «Cin Kart» abunəçiləri əlavə kontur və güzəştli danışıq şəklində hədiyyələr əldə edə bilər. Kampaniya çərçivəsində 1 manat dəyərində danışıq kartı yükləyən istənilən «Cin Kart» abunəçisi hədiyyə olaraq 300 kontur əvəzinə 400 kontur əldə edəcək, 2 manatlıq kart yükləyən abunəçi 700 kontur əvəzinə 850 kontur hədiyyə qazanacaq. Eyni zamanda, 6 manatlıq danışıq kartı yüklədiyi zaman «Cin Kart» abunəçisinin balansına 2600 kontur əlavə olunacaq, 10 və 20 manatlıq danışıq kartı yüklədikləri halda, abunəçilərin balansına müvafiq olaraq 5200 və 11450 kontur yükləniləcək.
Bundan başqa, balansına istənilən danışıq kartını yükləmiş «Cin Kart» abunəçiləri həmin gün ərzində digər «Bakcell» abunəçiləri ilə 50% güzəştlə danışmaq imkanı əldə edəcəklər.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR